ونسيت أقول لكم على الإنجليزي ....
الأفضل أنكم في سنة أولى وخاصة مادة ألأحياء ( biology ) تجربون تقرأون الكتاب وتشوفون كيف يشرح المادة
والله بتشفون في بدايات الأمر صعوبة (( تقولون طلاسم في الكتاب ما ينفهم شيء ))) .. وتقرأون وانتو ماسكين قاموس (( الكتروني أو كتاب اللي يجي ))
أذكر ذيك الأيام ... لما أقرأ الكتاب ... تخيلوا الصفحة الواحدة يمكن أظل ساعتين فيها على ما أفهم شيء هذا إذا فهمت بعض الأشياء !!!! أترجم كلمة كلمة ويالله أفهم الجملة ....
الأفضل لكم أنكم تتعودون على القراءة .... لأنه أغلبنا الى الحين يعتمد عل النوت وما يقوله الدكتور ويجطل بالكتاب
وبتشوفون طلاب وطالبات بيقولون "خلنا نفهم شرح الدكتور ونذاكر اللي يقوله علشان نقرأ الكتاب" !!! صحيح أنه كلام الدكتزر هو أهم وهو اللي يجي من الإختبار .... بس حتى الكتاب ساعات يشرح أحسن من الدكتور لأانه يشرح بالتفصيل أما نوت الدكتور تعتمد على النقاط ..... ما ألومكم ترى بتجي أوقات ما تقدر تفتح الكتاب (( يعني هالله هالله في تنظيم الوقت )))
يمكن تقولون وانتو تقرأون ضاع الوقت ولا فهمت شيء !!!!! ..... بس مع مرور الأيام يقل استخدامك من القاموس وتشوف القراءة حلوة
يعني بالنهاية ... أنصحكم بالقراءة علشان تتعودان عليها
وبالتوفيق