بكل بساطه المحاضرة العاشرة عن المنافسه التامة ومن اسمها واضح ان المنافسة مفتوحة للكل ليه ؟
لأن فيها 4 اشياء متوفره :
1- وجود عدد كبير من البائعين والمشترين بالسوق
2- يعرض جميع البائعين سلع متجانسه ( يعني سوق السيارت بتشوف فيه سيارت وسوق الملابس بتشوف فيه ملابس )
3- حرية الدخول للسوق والخروج منه بأي وقت بدون اي ضغوط
4- توفر المعلومات السوقية للكل ( يعني مثلا زي سوق الاسهم والتوصيات يستفيد منها البعض والبعض مايدري عنها فيخسر او مايستفيد من الفرصة لانه موعارف )
ولأنك داخل السوق اكيد تبي ربح فـ شلون تحسب الربح ؟
الربح = الايراد الكلي - التكاليف الكلية
يعني كل اللي الايراد اللي جاك من ورى مشروعك عشان تحسب صافي الربح منه اخصم التكاليف اللي وصلتك للإيراد هذا
والجداول والمنحنيات اللي بالموضوع هذا توضح مستوى المنافسه عشان تحدد موقفك و وضعك بين المنافسين
وتحدد مايلي :-
انك تقدر تستمر وتحقق ارباح
او انك تقدر تستمر بدون ارباح وتبيع بسعر التكلفه
او تبيع بسعراقل من سعر التكلفه
او انك تقفل المشروع وتطلع من السوق
هذا شرح باختصار والتفصيل بالمحتوى والمحاضرة
واسف على الاطالة