السلام عليكم ورحمة الله لاحلى واغلى بنات كلية الاداب
انا لو مااعتبرتكم اخوات لي لم تلدهم امي كان ماجيبت وفضفضت هنا بهالمنتدى الحبيب على قلبي...
بصراحة مقهورة من بعض امن الكلية انا بامكاني انزل اسمائهم بس الستر زين..
يعني يابنات انتوا تعرفون الوقت الضيق بطلعة الصباح يدوب الواحد يتروش ويلبس ومباشرة على الباص للكلية ومستحييييييييل احد فيكم يخلص اموره كلها بالبيت يعني انا حدي زي ماقلت لكم اصلي واتروش والبس واكمل بقية اشيائي بالكلية من استشوار ووضع مكياج اذا كنت امروقه ومن هالامور..
واليوم صار لي موقف بطاقتي ماخذتها صديقتي تبغى تدخل فيها الكلية واهي زائرة طبعا ولاول مرة تجي هالكلية المتخلفة ومسكينة سوو لها قضية ياكبرها ليه ماخذه البطاقة واروح اليوم واسال عن البطاقة لاحظوا (((((سؤال))))) تقوم الحقيرة اسمحوا لي على هاللفظ بس مقهورة تقوم الامن وتقول فتحي شنطتك شدخل امها تتفتش شنطتي انا سالتها عن بطاقتي ماقلت لها تعالي دوري البطاقة بالشنطة وتقوم وتاخذ لابتوبي جايبته اعمل بحوث وتاخذ استشواري وتكتب اسمي فوقها مخالفة نسيان بطاقة صج انها مهبولة اقول لها البطاقة عندكم تسوي فيني كذا...
المهم جاء على نهاية الدوام واروح واستلم البطاقة بعد ماكتبوني الارشاد تعهد عن البطاقة بعدين اروح للزفتة الامن استلم اللاب توب والكذابة توعدني اني استلم الاستشوار عندها الا تقولي روحي مرة ثانية الارشاد استلمي الاستشوار من هناك واروح ركض وينقطع نفسي من الركض ويقولون الارشاد ماوصل شي وارجع للامن مرة ثانيه الا تقولي منو قال روحي الارشاد انا لسا ماوديته بصراحة حسيت بحزتها انها قمة الحقااارة هالامن تتعبني على الفاضي يعل تعبي كله يرجع لها...
ولا المكتبة الالكترونية وشو هالموظفات اللي فيه كل وحده تقول الزوووود عندي من احتقارهم للطالبات بس حدهم الحمدالله والشكر سوالف ومتربعين على هالكراسي وتعالي ساليهم عن اي شي يخص الاجهزة ردهم معروف ماندري عن شي طيب يوم انتم ماتدرون عن شي ليش رزيتوا روحكم وتوظفتوا مااقول الا الله يخلف علينا يهالبنات من ظلم الكلية...
ويااااااااارب ننجح و نتخرج ونمسك وظايف افضل منهم...
ونحسن المعاملة والاسلوب الراقي المتواضع للكل..