ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات تشهد الكلية رقابة مشددة و شروط لا تتماشى مع مزاج الطالبة

big hart · 2010- 12- 7

اقتباس:

المشاركة الأصلية كتبت بواسطة غاية العمر جنة

وعليكم السلام ورحمة الله وبركاته

انا معهم وبكل قوة

ولو يبوني اساعدهم مااقول لا

يعني بنات مسلمات صاحبات انقى وأطهر دين

كذا لبسهم واخلاقهم وتعاملهم طبعا مو الكل الا مارحم ربي

اول رسالة بيرسلونها غلط عن الاسلام للاجانب اللي بالكلية

ثاني شي كل الموجودين بنات تجي تلبس لي سترش بعضهم مدري شلون مدخلته على جسمها ليش ؟

بتنشر مفاتنها لمين ؟ للبنات ؟ ولا للسواقين بمدخل كراجكم الجميل

والله بعضهم قرف بشكل غير طبيعي

تسد النفس ماتحس بنفسها ؟

يعني المفروض بنات كبار عاقلات مسلمااااااااااااااااااااااااااااااااااااااااات

ركزوا على مسلمات مايصير اكبر اهتماماتهم هالاشياء

أنتِ ارفع من هالاشياء

ليش تخلون الكفار يستانسون باللي قاعدين يشوفونه منكم

استجابة فضيعة جدا وركض وراهم ليش

تقليد اعمى بكل شي لبس وقصات وعباءة

وشر البلية مايضحك

الكفار اللي مايعرفون العباءة هم يفصلون لنا ويتفننون بالازياء ويصنعون عبايه فرنسيه وعبايه خربوطيه وعبايه مدري شتبي وبكرة عبايه بدون عبايه وعادي الامر جدا عادي اصلا هذا تقدم وموضة وياي

وياقلب لاتحزن

وكيفه دينكم يخي متشدد وخلينا نستانس وتونا صغار

لاحقين اذا كبرنا نتعدل شفيكم علينا هذي الاعذار اللي نسمعها صح

بنات والله اللي يفكر بالحال اللي احنا فيه وبالدنيا المفروض يخاف

شكثر ناس يموتون قدامنا ؟

شكثر ناس امس معانا واليوم فجاءة جانا خبر انهم ماتوا ؟

شفتوا البنات اللي بالرياض رايحين يخيمون ويفرحون وراحوا يجربون السيارة ويستانسون

فيه احد كان على باله ان خمسة منهم مابيرجعون لبيتهم ولا مقاعد دراستهم ولاغرفهم ولاصديقاتهم ؟

اهلهم لو كانوا يدرون ان بناتهم مابيرجعون خلوهم يروحون يلعبون ويستانسون ؟

ليش احنا مسوفيـــــــــــــن وكله بكرة نتعدل

وبكرة نتوب

والله غفور رحيم

الاغاني صارت زي السلام عليكم

واللعن صار زي السلام عليكم

ليش؟

ليييييييييييش؟

وماتتغطى وتطلع كاشفه عادي اصلا الغطى موضه قديمة حق جداتنا والعصر الحجري

احلفي ياماما ؟

طيب ماسالتي نفسك ليش ربي وربك قال تغطي وتحجبي وش السبب ؟
ولاهي عادة ولبسونا اهلنا غصب وخلاص جاء وقت التحرر

يعني اذا انتِ ماخفتي من اهلك ولاخفتي على سمعتك ولاخفتي من شي ابد

على الاقل خافي من ربك اللي خلقك وقادر بكلمة يوقف اعضاءك وقلبك او يحرمك من شي تحبينه
ويطيحك ويسوي فيك شي وينتقم منك ويوريك شلون كنتِ تعصينه ويتحداك الحين تحركين عضو اذا هو سبحانه امر انه يتعطل !

الامر العجيب من بعض بنات الكلية

ان الله ساتر عليها بلاويها ومعاصيها وتجي تفضح نفسها

والله قمة الغباء والشيطان مستانس على اللي تسويه

يعني الله راحمك وساتر عليك وانتي تكلمين اولاد وساتر عليك وانتي ماتتغطين وساتر عليك وساتر عليك وساتر عليك باشياء مانعدها

تجي اختنا في الله وهي باأقصى يمين المدرج وتكلم صديقتها باأقصى اليسار وبنفس المدرج تخيلوا الصورة بس طبعا عشان البنات اللي بالمدرج يسمعون

وتقول فلاانه امس انا سويت وسويت وسويت وااااو تبي البنات يحسونها ياي شي عظيم هذي وخطيرة وقويه وجنتل مانه قصدي ومن

طيب وينها من كلام الرسول صلى الله عليه وسلم

شوفوا وش يقول

((كلّ أمّتي معافًى إلاّ المجاهرين، وإنّ من المجاهرة أن يعملَ الرجل بالليل عملاً ثم يصبح وقد ستره الله فيقول: يا فلان، عملتُ البارحةَ كذا وكذا، وقد بات يستره ربّه، ويصبِح يكشِف سترَ الله عليه)).

هي تعتبر جاهرت بالمعصية ومسويه لي فيها واااو

المهم انا طولت وشطحت شوي بعيد

بس هي كلمة وحدة اللي يحبكم وخايف عليكم من نار جهنم

مايتعب حاله ووراه اختبار ويكتب كلام طويل يليته مثل ماطلع من قلبي يوصل لقلبكم

الاسلام مستهدف !

السعودية مستهدفة !

لاتكونون معاهم عون على خراب دينكم واخلاقكم

لاتقولون انا وش سويت وانا مالي تأثير والله يفرحوووووون لمن يشوفوكم كذا

وش سبب ضياع الاندلس

وش سبب ضياااااااااااع عزة ومجد المسلمين ؟

وش ...

والخ

كل واحد مننا له دور

ودور عظيييييييييييم بعد

روحوا انزلوا مجمعاتنا هذي مجمعات مسلمين وباأعظم دولة مسلمة تحكم شرع الله ورسوله ؟

شوفوا اعلامنا هذا اعلام مسلم ؟ ولااعلام يدمر الاسلام ؟

شوفوا وشوفوا المشاهد كثيرة اللي تؤلمنا

وتعّلمنا شكثر احنا تركنا الاسلام وصرنا ذليلييييييين

اكبر همنا بطنا ولبسنا ووناستنا وبس !

اجل تجي بنت كبيرة عمرها 20 وفوق جامعية تصيييييييح عشان البنت اللي حبتها اللي امس تعرفت عليها مشت مع بنت ثانيه وتركتها

هذا هم بالله ؟

ليش الكفار وهم كفار واصحاب دين مُحرف وغبي يروحون يضيعون سنين من اعمارهم بس يبلغون دينهم واكبر مثال التنصير

شوفوا النصارى شلون تشتغل عشان تنصر اكبر عدد ممكن وتهدم الاسلام

شوفوا اللي ينصرون شكبرهم اصغر مننا وش اللي يدفعهم ؟

وهم ماعندهم لاجنة ولانار الا دين محرف ومنسوخ من زمان !

طيب المسلمين وش يسون ؟

قاعدين يهدمون الاسلام بيديهم

صح ؟

اي هذا اللي نشوفه الا مااااارحم الله

مو هذا شي مؤلم ويعور ويحز بالنفس !

كل وحدة منكم على ثغر عظيييييييم من الاسلام اذا انتي فتحتي هذا الثغر وخليتي العدو يدخل منه وفلانه بعد فتحته ووفلانه وفلانه مين بيمسك الاسلام ويخليه مرفوع ويبعد العدو عنه ويصد شره وكيده

ميييييييييييييين ؟

بنات انتوا ناس راقيين تفكيركم فوق لاتغرقون بالتفاهات والسفاهات

والله انتم ارقى واقوى من لبس وقصة يعني الكفار عرفوا انهم مايقدرون يدخلون عليكم الا بالاعلام والموضة

ليش مانقدر نصنع موضتنا زي مايبيها الله مو مثل مايبونها الكفار واللي ينادونا لجنهم !

ادري بيجوني بنات مدرعمين ومابيعجبهم كلامي بس هذا كلام من قلب محروووق على حال خواتي اللي اتمنى انهم يصيرون احسن مني

قلب يتعذب وهو يشوف هالاشياء

قلب تكلم وطلع اللي بخاطره واصابع كتبت بس بالاخير هي رساله

لي قبلكم و

لعلها تصل لقلوبكم

الله يسعدكم حبيباتي ويرضى عليكم

تذكروا الاسلام بحاجتكم توقفون معاه وماتخذلونه

موفقيييييييين ياأجمل بنات كلية اداب

[align=right]
لله دركِ ايتها الفتاه

والله هرجتس عين العقل ..

الله يرحمنا برحمته ويحسن خاتمتنا ..

وتبين الصراحه التنوره السترتش تحوم الكبد وتفصل الجسم

المفروض من زمان ممنوعه ..

[/align]