|
أحترت أحط عنوان لكنها دعوه للنقاااش للكل ..
السلام عليكم,,
يارب الكل بصحه وسلامه
وكل عام وانتوا ب ألف صحه بدخول العام الجديد 
الصراحه احترت اختار عنوان ولا لقيت شي يناسب الموضوع الي بتكلم فيه
مابي اطول عليكم وبقولكم وشعندي
اولا
انا لما سجلت في الانتساب عن بعد كان عندي شمول تام بكل قوا نينها وانظمتها الي قريتها بموقع الجامعه
وبناء على الانظمه وطريقة الدراسه ناسبتني فقررت اسجل
انا الحين بتكلم لكم بشكل عااااام وليس خاص
فيه منا الموظف والموظفه
الام والاب
كلنا مسؤلون اغلبنا اختار التعليم عن بعد لعدم قدرته على مواصله الدارسه المنتظمه اما لمسئوليات بيت او دوام او او الخ
كلنا قبل نسجل قرينا انو تنزل محاضراتنا بالبلاك بورد
ويكون فيه اختبار نهائي وبسسسسسسسسسسسسسس
بعد الدارسه بشهر
وبعد مادفعنا وخلصنا اكتشفنا اننا نطالب ب اشياء ما كانت بالاتفاق او ماكانت من ظمن الوائح والشروط
الخطه الدارسيه تغيرت
اصبعت لا تناسب الموظفين ولا الامهات المسئولين عن اطفال انا اخص المشغولين فقط
اجبرونا ب اننا نتابع المحاضرات اول ب اول
اجبرونا نحل الواجبات
اجبرونا ندخل منتديات الحوار
اجبروناندخل المحاضرات المباشره
انا ما اختلف معاهم في تطوير الدارسه
لكن
أختلف معاهم في ليش ماخبرتونا الا بالاخير ؟
معقوله ماقررو الا بعد الدارسه بشهر هذه اكيد هم دارسينا من قبل سنه وطبقوها وقالو نصبر لين الكل يسجل عشان محد يتراجع ( فار تجارب )؟ ومحشومين الكل
انا قبل اسجل ماقرت من ظمن الشروط اجباري احظر المحاضرات الصوتيه طيب انا مو فاضه اداوم مثلا انا لو ادري ان اجباري افتحها واجباري شارك بمنتدى الحوار ما درست ولا دفعت لانها ما تناسب مع امكانيات وقتي المسموح انا درست ابي انجح مو ارسب ,,,
هذي مو دعوه للتشاؤم لا يا أخوان
ولكن اعتبروها خواطر او كلام اكتبه ,, اتمنى فهمتو قصدي ...
المقصد ليه ما قالولنا في بداية العام ,,, لان هذا يعتبر تغيير جذري ,,, الكل يدرس على حسب قدرته ووقته ,, وينسقها عليه
أما يربكوننا كذا لا ,,
أنا على فكره ما أعارض فكرتهم ,,, بالعكس مره حلوه وتساعدنا بورقة الاختبار,,,
لكن المفروض يطبق بداية الترم الجديد ويبلغون الططلبه الجدد عن هالنظام ,,, ترا كذا نظامنا الي مو فاضي يسوي كل هذا ترا بينقص عليه ( الي اول شرط اخر ه نور).gif "(204)")
اما كذا نهائيا مو زين وفوضى...
أبي ارائكم
واتمنى وصلت الفكره الي ابي اوصلها
لا تجون تقولون لي سهل وما سهل انا ادري سهل ,,
وادري حلو وفكرته تساعد ..
بس ليه ماخبرونا وصدمونا ,,, لانه تغيير جذري بالقواعد ,, يعنى ماصار اختبار الورقه من 100 لو ما نفذت المطلوب بالبلاك بورد راح تنقص وهالشي كنت ابي اعرفه قبل ادرس ,,, واشوف هو يتناسب مع وقتي اولا ,,, واقرر اسجل او لا ,,,,,..
لا تقولون تتراجعون وتستردون فلوسكم ,,,
انا اتكلم على الصعيد العام وليس الخاص
واتكلم عن طلبة هالسنه الي سجلوا .,, ولا يدرون ,,
عذرا على الاطاله
|