ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات تشهد الكلية رقابة مشددة و شروط لا تتماشى مع مزاج الطالبة

غاية العمر جنة · 2010- 12- 8

السلام عليكم ورحمة الله وبركاته

عذرا على التأخير ياجميلات

الله يهدي قلوبنا ويصلحها وويسعدنا واياكم ويوفقنا لكل خير
ويرزقنا ربي رضاه ومحبته

برجع اكمل من اول الردود اللي تركتها وافضل اكتب بدون اسامي وبدون تحديد بكتب اللي ربي يفتح فيه علي وكل وحدة تعرف نقطة وموضوع الاشكال عندها او الخلاف اللي خالفتني فيه

اول شي

انا معاكم في اخلاقيات بعض ممن ينتسب لهذي الكلية واعاني منهم مثلكم ونعصب وتجينا حالاات نفسيه من التعامل الصعب اللي تتعاملين فيه معاهم ><

بس هذا مو سبب يخلينا نترك الالتزام ببعض اوامر دينّا عشانهم

مو سبب نخليه شماعة نقول هم سوا وهم حطوا وهم مدري وش

انتي بتتحاسبين لحالك وهي بتتحاسب لحالها

وكل انسان اغوى غيره وخلاه يمشي بالطريق الخاطئ يتحمل اثمه واثم من سيلحقه وهاتك ياسيئااااااااااااااااات فوق ظهره بالهبل

وعلى القصات

اول شي اول شي

اللي يجون مدرعمين يتهاوشون دينكم يقول ان انتي لمن تجين تقصين شعرك لازم مايصير اقصر من عند الاذن ومايصير تقلدين او تتشبهين بالكفار والخ

صح هذا دينكم ولاماتعرفونه بعد؟

اوه يمكني قلت معلومة جديدة !

امم تدرون ان قصة شوجي اللي منهبلين عليها خلق الله عندنا حريم وبنات وصغار وكبار

محد سواها بالكويت ولاقلدها

مايجي سؤال باأنفسنا ليش ؟

لحد يجي يقولي الا فيه انا اهلي بالكويت واعرف وشايفه محد سواها عندهم ولاقلدوها
واصلا جو اهل الكويت عندنا وانصدموا ليش كذا عندكم !

هنا بس طلعت ركضوا تقليد ليش ابي أفهم ؟

يعني هم كل واحدة لها ستايل وشي يميزها وتتفنن فيه واحنا لا ماعندنا كذا ؟

بس نمشي ونقلد

مانعرف نسوي لنا ستايل يناسبنا وحلو علينا بدون تقليد الغرب والناس اللي ربي باليها بانفسها وبالي خلق الله فيها

والله نقدر واتوقع انتوا تشوفون باأنفسكم كل يوم بالكلية يجون ناس ماشاء الله لبسهم وزينتهم وستايلهم ومكياجهم وكل شي بهيئتها من راسها الى اخر اصبع رجلها مرتبة ومميزة وتفتح النفس واصلا من اول ماتشوفينها تبتسمين وتاخذين انطباع جميل

مو تقابلين ناس رؤسها كأنها شياطين ولاقصات اولاد ولا البلوة الجديدة شوجي

انا ودي افهم والمشكلة فيهم قواة عين يجون يراددون ويتكلمون

انا اعرف الانسان اللي مسوي شي غلط يحس شوي على دمه ويسكت
تعرف انه غلط شرعا تعرف انه غلط اخلاقيا وغلط بمكان عام كذا

بس مدري والله وش المشكلة الغزو الفكري لاعب لعبته عندنا للاسف

للاسف يابنات بلاد الحرمين !

للاسف

!

المهم طاري التنورة اللي صايرة فتنه عندنا

حبيباتي بغض النظر انها حلوة وكيوت وياي وانتي ماتلبسينها مرة ضيقة واصلا هي تناسب على جسمك ومدري وشو

والشيطان يزين لك اعذار اي انا مب زي فلانه شوفيها شلون ضيقه عليها ومدري شلون داخله

ولازي فلانه اللي شكلها اصلا مو لابسه تنورة جايه كذا كل شي طالع ومبين ><

ولا ولا وانتي اي صح تأيدينه وتسمعينه

وتسكتين ضميرك اللي يقولك لا غلط

اذا مرة مشتهيتها البسي التنورة وقطعيها من اللبس بس ف بيتكم الله يعافيك

قبل لاتلبسينها قصدي قبل لاتشترينها بحثتي عن حكمها ؟ شفتي هي تناسب دينك ولالا

يخي لاتغثوني وتحرقون قلبي وتقولون لي عادي وتطور

وتجي مدرعمة تقول انا البسها شفيها طيب انتي مثلا مثلا عالمة بالعلم الشرعي عشان تحللينها حق خلق الله

قريتي شروط لبس المرأة ؟ وصفاته ؟ ولانشتري اللي بالسوق وخلصنا

واذا تكلم احد شي قلنا هذا الموجود

حتى مانتكلف لو مرة عجبنا نعدل عليه ونخليه يناسب الدين اللي احنا نُنسب له !

طبعا الا مارحم ربي

بنت السلمان ردك في الصميم الله يصلحنا وحالنا يارب

بيش

اقتباس:

بعض الأشخاص هم أشخاص آخرون, أفكارهم هي آراء آخرين, حياتهم تقليد, حتى مشاعرهم لا تتجاوز كونها اقتباساً .!

جميلة جدا العبارة تحكي حال بعض الناسات

اقتباس:

اصلا انا المفروض يحطوني وحده من الأمن ذذ

وانا بصير معك

اقتباس:

لو بيدي احط قرارات كان مت من دعاويكم من ثاني يوم بسم الله علي جعلني ما اتوظف وظيفه انتم فيها

بسم الله عليك من قال تموتين من دعاويهم

الانسان اللي يسوي شي صح ويرضي الله مايخاف

انتي ماظلمتي احد انتي بتطبقين شرع الله وبس

اذا صرت دكتورة بكلية الاداب ان شاء الله بجيبك معاي

المطنوخة حبيبتي عادي قولي الشي اللي ماتأيدينه
وحتى لو فاضين مايعرفون يشغلون أنفسهم باأمور تفيدهم دنيا ودين

فيه بنات بكليتكم ماشاء الله عارفين شلون يستتغلون كل دقيقة بحياتهم بدون محد يعلمهم وش الفرق يعني ؟

كل واحد عنده عقل وربي مكرمه بهذا العقل ومنعم عليه بكل شي !

اقتباس:

الآسلآم بالقلب
ياما شفنا مظآهر مسلمه ومن دآخل يعلم الله
وكآن الله غفور رحيم

جيبي لي دليل على كلامك !

لو الاسلام صحيح بالقلب كان بان اثره على الجوارح صح ولالا؟

لو صدق الاسلام والايمان داخل بالقلب كان منعني البس عباءة مهي عباءة اصلا زينه بنفسها
كان منعني البس ضييييييييق مدري شلون داخل ومنعني البس تنورة سترش ومنعني اكلم اولاد ومنعني انمص حواجبي ومنعني اقص قصات كفار ومنعني اشوف اشياء حرام

ومنعني امشي وألعن

ومنعني اسحب ناس معاي بالطريق الغلط بس نظرية بعض بنات الكلية تحفه اذا هي ضايعه تضيع صديقاتها معاها شمعنى تسوي الشي الحرام الفلاني وهم لا الا تخربهم ويسونه !

ووو!

المهم المظاهر المسلمة اللي تقولين عنها وانا مدري شتقصدين بالمظاهر المسلمة

لو كان الايمان صحيح في قلوبهم ماسووا الاشياء اللي تقولين عنها من داخل يعلم الله

احنا صح نشوف ناس غلط وترادد وتحاجج وهي غلط بس هذي لو صحيح ايمانها واسلامها ماسوت كذا فهمتي ؟

يعني اللي تتكلمين عليهم ماخذين الاسلام باسمه فقط

ولدوا مسلمين وبس

لو عرفوا الاسلام وحقيقة ماشفنا هالمظاااااااااااهر فهمتي ياأمي ؟

اما على طاري فكرة الاجانب وانهما ياخذون فكرة عن المسلمين

فتخيلوا معي هالكلام وبوضح لكم قصدي منه

الحين عندنا بالكلية بعض الدكتورات الاجنبيات صح؟

طيب شفتوا لبسهم ؟

شوفوا قسم الانجليزي احسهم كثار هناك + كلية العلوم ودراسات يمكن شوي

شفتوا شلون معتزين بلبسهم؟ فيه بعضهم صار لهم سنيييييييين وهي تدرس بالكلية طرى عليها تغير لبسها وعادات هاللبس اللي تعودت عليه بديرتها وبين اهلها ؟

نطلع برا الكلية شوي

شفتوا الهنديات غيروا الساري حقهم يوم جوا وعاشوا عندنا ؟

طيب العمال اللي برا الباكستانين وغيرهم نفس لبسهم ماتغير

مو هذي رسالة توصل لنا

انهم معتزين بلبسهم وديرتهم وذوقهم حتى لوتغربوا وراحوا ديار ثانيه مايغيرونه

اجل زي بعض بنات الاسلام بس تركب الطيارة تسافر برا اول شي تتخلى عنها حجابها

امحق عزة انتي معتزة فيها !

امحق دين انتي تنتسبين له وتخربين صورته ><

الحين ليش نروح بعيد فيه ناس نشوفهم بالباص تطلع من الكلية وكاشفه وتدخلها وهي كاشفه
واذا وصلنا بيت اهلها

يااااااااااااااااي على الستر اللي ينزل تتغطى ومايبان منها شي

ليش ياحلوة ؟

ليش ياأمي ؟

ليش الجُبن والخوف ؟

فهمتوا وش اقصد

لمن تلبسين لباس صحيح يبين انك مسلمة موهذي رسالة منك لهم انك معتزة بدينك ولباسك

ترى هم مو خبال يعرفون اللبس اللي يشوفونه مو حق مسلمات صحيحات

يدرون ان هذا تقليد للغرب وبشهادة وحدة منهم !

يعني هي عاشت هناك وعاشت هنا

فلا تقعدون تنافخون على الفاضي

وبس ان شاء الله اكون غطيت كل شي اعترضتوا عليه

عذرا على الاطالة

الله ينفع بكم ويسعدكم ويشرح صدوركم للخير يارب

موفقاااااااات جميعا