(سعر التوازن)
من فهمي .. هو
السعر الي يكون فيه الكميه المطلوبه = الكمية المعروضه
يعني أذا كان سعر اللاب توب لشركة من الشركات 3000 ريال ..
وكانت الكميه الي يعرضونها من اللاب توبات = الكميه اللي يطلبونها أو يشترونها المستهلكين ..
يعني كلما عرضوا كميه .. يتم شراءها كامله ..
فيعني أن 3000 هو سعر التواازن للابتوبات..
ولو يزيد سعر اللاب توب مثلا الى 3800 .. راح يكون المعروض أكثر من المطلوب
وراح يقل الطلب على اللابتوبات ..
وراح يعرضون البضاعه ..وماراح يشترى منها الا نصف الكميه المعروضه
(علاقة طردية)
مثلا لما نقول لك العلاقه بين (أ) و (ب) علاقة طرديه
يعني كلما زاااد (أ) زاااد (ب)
أ يمشي وب يطرد وراه .. >> فهمتها بهالطريقه
مثلا :
العلاقه بين (السرعه) و(الحوادث) علاقه طرديه ..
كلما زادت السرعه.. زادت الحوادث
وأذا قلت السرعه .. قلت الحوادث
علاقة طرديه .. أو يسمونها موجبه (+)
>>أعرف مثال غبي بس مالقيت أوضح منو
(علاقة عكسية)
مثلا العلاقه بين (أ) و(ب)عكسيه
يعني كلما زاد (أ) قل ( ب )
يعاكسو يعني .. وهي علاقه سالبه
مثلا :
مثال من الكتاب ..العلاقة بين السعر والطلب علاقه عكسيه
مثلا رحت تشتري علبة مويه .. ولقيت وحده بريال ووحده بريالين ..
ماراح تشتري الي بريالين .. رح تشتري الي بريال
فالعلاقه بين ( سعر المويه ) و ( الطلب عليها ) علاقة عكسيه ..
كلما زاد سعرها .. قل الطلب عليها ..
مثلا كانت بريال وينباع منها 100 في اليوم .. يوم صارت بريالين ..ماراح ينباع الا 30
وأذا صارت بـ 3 ريال .. بيقل الطلب وماراح ينباع الا 10 وهكذا
السعر يزيد والطلب يقل ..
(الناتج الحدي)
هذا يبي له شرح مفصل ..
لكن بشكل عام
هو التغير في الناتج الكلي.. المترتب على التغير في كمية عنصر ( كعتصر العمل مثلا)
بوحده واحده
مثلا مصنع لأنتاج الملابس
الناتج الحدي له
يعني كم قطعة ملابس زادت وكان سببها .. زيادة عامل واحد
كان المصنع ينتج 100 قطعه .. وزدنا عامل واحد ..
وزاد أنتاج المصنع لـ 105 قطع ..
فالناتج الحدي هنا هو 5
أتمنى شرحي واضح .. >> من جنبها
وأذا في غلط نبهوني ..