ملتقى طلاب وطالبات جامعة الملك فيصل,جامعة الدمام - عرض مشاركة واحدة

محد يستاهل الحب · #1 2010- 12- 9

سيئات ومحاسن النظام الجديد

السلام عليكم ورحمة الله وبركاته ..

اول شي حابة اتكلم عن النظام الجديد الي انطرح بالجامعه قبل فترة .. وهو نظام الدرجات واننا نشارك بالمنتدى الحواري بالبلاك بورد.. ونحظر المحاضرات المباشرة ..

طبعا اول ماطلع القرار كان بين مؤيد

ومعارض

.. ويمكن كانت نسبة المعارضين له اكثر بحكم اننا طلاب انتساب .. واننا ما نقدر نوفر وقت .. ومن هالكلام
بس انا عن نفسي القاه حسنة جيده

بشكل عام وبالعكس يمكن يكون هذا في صالح الطالب ..من حيث انه يضمن 30 درجة باذن الله ..
لكن للاسف

.. هناك بعض سيئات النظام او لخبطه في النظام الجديد يمكن لانه جديد مدري وش السبب ..
يعني مثلا .. كثير يشكو من عدم استجابة نظام البلاك بورد معه .. يعني مايدخله النظام كله ..

غير كذا لما كانت الواجبات تنزل .. طبعا ناس تنزل لهم وناس ماتنزل لهم .. ناس يحلون ياخذون فل مارك .. وناس نفس الحل والدرجة غير ..
وطبعا مثل مادة الاقتصاد اخر شي .. اعلان طول بعرض عن نزول الواجب الثاني .. وتفتح صفحة الواجب .. ولا تلقى شي .. حتى هذه الساعه طبعا مافي شي ..

غير كذا .. عندنا جدول المحاضرات المباشره .. طبعا نزل اول جدول وتم الاعلان عنه .. وقلنا تمام لكن .. رجعو وعدلو فيه .. طيب ليش .. التعديل .. يعني الي مثلا مايدخل 24 ساعه المنتدى واعتمد على الجدول القديم .. (مثلي اعتمدت عليه

) وفجأه القى العالم حاظرين المحاضرات المباشره قبل بيوم .. لا احد يقول لي اني اقدر احملها واخذ الدرجة

..انا عارفه اني اقدر احملها لكن ليش هالتغيير يعني ليش مانستقر على راي واحد .. مفروض الجامعه ماتنزل شي الا واثقه منه مية بالمية هذا نظام جامعي .. مو مدرسي يعني يقدرون شوي ..

جدول الاختبارات

.. برضوووو .. تغير اكثر من مره .. طيب لنتخيل ان فيه شخص اعتمد على الجدول الاول وخلاص ماجئ بباله انه يفتح الاعلانات .. وذاكر اخينا بالله .. وطلع التاريخ واليوم والوقت مو الي اعتمد عليه .. من المسؤول هنا ومن الغلطان .. هو ام الجامعه ؟؟؟

يعني الواحد والله مايدري وش يقول وش يخلي .. ياناس مفروض يكون نظامنا اقوى وأأكد .. عشان نبعد عن اللخبطة..
عموما انا هذي اكثر مساوئ مضايقتني بالنظام

يعني تحسة مافي ترتيب ابدا فيه .. ومدري اذا انتم مثلي او تخالفوني الرأي .. والي عنده أي رأي او شي يشوفه انه سئ يعلمنا هنا بليز .. او حتى يشوفه حسن ويشوف ان النظام ممتاز .. برضووووو يعلمنا ..

وشاكره لكم حسن استماعكم ..

وانصاتكم ..