اهم ماجاء في المباشرة انجليزي .. ومالنا بعدها عذر
السلام عليكم
بصراحه كانت محاضرة الانجليزي ( مريحة ) وماقصر فيها الدكتور بالتوضيح في الامور المهمة
واهم شي انه مافيه داعي نشتري الكتاب ( وفر ) علينا <<<< كني عاد كنت ناوي اشتريه
الاختبارات راح تكون من نفس المحتوى والمحاضرات ولا راح تطلع عن المحتوى ابدا حتى القطعتين اللي راح تجي راح تكون من محتوى المقرر نفسه .. وكانه لمح ان القطعتين موجوده الان في المحتوى ...
الكلمات المطلوبة هي نفسها اللي موجدة في الجداول ... واللي فيها الكلمه واقرب كلمه لها بالمعنى ...يعني كلها ان شاء الله (( كم )) كلمة مو صعب حفظها.
يبقى القواعد (( القرمر)) راح يكون برضه من نفس المحتوى والمحاضرات بس طبعا يبي له تركيز اكبر
الواجبات وحسب كلام الدكتور مفتوح فيها المحاولات لين تجيب الدرجة الكاملة (( اشك))
اما بالنسبة للمشاركة في (( منتدى الحوار )) فقال يكفي انك تدخل وتكتب اي نوع من المشاركة حتى لو كانت (( مدح)) او ((نقد)) في الدكتور نفسه
حتى قال لو تدخل وتكتب بس كلمة (( Thanks)) راح تعتبر لك مشاركة (( شي غريب))
على كذا اخواني وخواتي ... ماصر لنا ابد عذر ما نجيب الـ (( A+))
شدو بس (( نصف )) حيلكم .. وان شاء الله الجميع معدين وبمعدل بعد
|