.،؛،.

ثاني نقطة هي شرح بعض الخانات الموجودة في الجداول:

فيه خانات أساسية موجودة في كل الجداول لازم تنتبهين لها وانتي ترتبين جدولك
وحاولت اني أكتبها حسب الأهمية والأولوية :

أولاً : خانة "متاح للكليات" لازم يكون فيها رقم "74" لأنه هو رمز : كلية الآداب
يعني أييييي مادة بتشوفين فيها رقم غير هالرقم اعرفي من البداية انها مو لك ..


ثانياً: خانة "متاح للتخصصات"
طبعا هالخانة تختلف من طالبة إلى طالبة حسب التخصص اللي هي فيه ..
وانتبهوا ان الخانة ممكن يكون فيها أكثر من رقم .. يعني انتبهوا واقروا كل الأرقام ..
والأرقام هي :

"7435" = الآداب العام >> هذي تلقينها عند المواد العامة ..
"7401" = تخصص الدراسات الإسلامية
"7402" = تخصص اللغة العربية
"7403" = تخصص اللغة الانجليزية
"7404" = تخصص التاريخ
"7405" = تخصص الجغرافيا والنظم الجغرافية
"7406" = تخصص علم الإجتماع والخدمة الإجتماعية



ثالثاً : خانة "المتطلبات السابقة"
هذي ضروووووووووووري تنتبهون لها >< لأنو لو سجلتي مادة فيها متطلب انتي مادرستيه ترى ماراح يقبلها البنر وبتصير لك مشكلة وينعفس ترتيب جدولك ..
طبعا عادة بتكون فهالخانة أرقام حالها حال الخانات اللي قبل ؛ انتي اضغطي على الرقم وبيطلع لك اسم المتطلب السابق للمادة ..
وهذي بعض المواد العامة اللي فيها متطلبات :

اللغة الانجليزية العامة (متطلب) لـ اللغة الانجليزية قراءة + اللغة الانجليزية كتابة
النحو التطبيقي1 (متطلب) لـ النحو التطبيقي2
مدخل إلى تقنية المعلومات (متطلب) لـ برامج الحاسب المكتبية
برامج الحاسب المكتبية (متطلب) لـ الانترنت والاتصالات >> شكلهم هالفصل مانزلوا الانترنت والاتصالات :(


رابعاً : خانتي "ساعات" و "شعبة" :
انتبهي لعدد الساعات لكل مادة ورقم شعبتها ؛ ودقققققي على رقم الشعبة ..
لأنو مثلا "اللغة الانجليزية العامة" أساسا في الاسبوع الواحد 4 ساعات .. يعني محاضرتين ..
وهم كاتبين جنبها ساعتين .. طبعا لأنهم يمشون على حسب رقم الشعبة ووقت المحاضرة..
يعني بتلقين نفس رقم الشعبة ونفس الـ crn مكرر مرتين تحت بعض ..
وطبعا لازم تسجلين في نفس الشعبة ..
مثلا : اللي سجلوا الفصل الماضي في شعبة 34 كانت يوم الأحد من 9:30-11:10 ويوم الثلاثاء من 1:00-2:40


خامساً : خانة "أيام" :
طبعا هم كل يوم حاطين له رمز وهذي إن شاء الله انها واضحة .. وهم أساساً حاطينها في موقع الجامعة ..
هذا الجدول يوضح رمز كل يوم :



سادساً وأخيراً : خانة "crn" :
هذي أهمممممممممممم خانة تحتاجينها في التسجيل على البنر ..
إذا ألحين شفتي المادة وناسبك وقتها ويومها وقررتي تسجلينها عندك ؛ أهم شي احفظي رقم الـ وهو بيكون مكون من خمس أرقام
وبقولكم حركة بسيطة تسوينها إذا رتبتي جدولك تسهل عليك التسجيل عالبنر

إذا رتبتي جدولك افتحي لك "مفكرة" وانسخي كل أرقام الـ crn اللي بتدخلينها وخليها تحت بعض عشان ما تتخربط
وإذا فتح التسجيل عالبنر على طول ابدي انسخي رقم كل مادة من المفكرة والصقيها في البنر ..
وبكذا تستغلين الوقت وتسجلين موادك بسرعة وبدون حوسة ..

طبعاَ باقي بعض الخانات لكن أحسها مالها أهمية بالنسبة لنا حالياً..
وبكذا انتهينا من ثاني نقطة


يتبع ...

.،؛،.