السلام عليكم و رحمة الله و بركاته ...
أنا عضوة .. قديمة .. جديدة <<< تستهبلين أنتي و وجهك
أنا كنت موجودة قبل فترة لكني سجلت انسحابي لظروف خاصة فيني
لكن لما نزلتوا هذا الموضوع _ رغم أنه نازل منذو مبطي _ كلمتني احدى الزميلات و خبرتني
و طلبت مني التواجد و الادلاء بدلوي في هذا الموضوع <<< من زين دلوك عاد
خصوصا أن أكثر الاعضاء في هذا الموضوع من الدمام .. فانشاء الله أقدر أفيدكم باللي عندي
أولا أنا أختكم سارووونة ... رايحة على سنة خامسة بجامعة الفيصل بالدمام :g20:
بصراحة أنا ما قريت الموضوع كله .. بس أخذت عنه فكرة من البداية بس ...
فراح أرد على اللي شفته .. و اذا لسه في تساؤلات ما عندي ما نع تعيدون السؤال عشان اشوفه <<< الله لا يعمينا
بالنسبة للزي ....
مثل ما قلنا .. فرع الجامعة بالدمام ما يشددون على الزي كثيييير
فلا تحتاروون بالزي .. انزلي السوق و اشتري اي شي تبينه و بأي لون مو مشكلة .. أهم شي يكون محتشم :g4:
كل الاقسام بالجامعة عادي يلبسون على كيفهم .. ما عدا بنات التمريض لازم يلتزمون بالزي اللي هو بلوزة بيضا و تنورة سودا و جزمة بيضا و مو مفتوحة _ الله يكرمهم _
احتمال .. احتمال .. تلقون أوراق ملصقة بأي مكان بالجامعة أنو يا بنات التزموا بالزي المدري وشو أبيض و بيج و كحلي و مدري وشو .. بس بصراحة كل اعلانات الزي ما احد يعطيهم وجه و لا أحد يمسكك بالجامعة يقول لك ليه لابسة هاللون
اصلا غالب الوقت بالجامعة راح تظلون بعباياتكم عشان الدكاترة الرجال .. أو بتكونون لابسين اللاب كوت .. فالزي ماله أهمية
بس برضو يا بنات ماله داعي تنقلب الجامعة صالة عرض ازياء .. يعني برضو اسمها جامعة .. المخالفات عندنا تكون للزي الغير محتشم .. بتشوفون بعض البنات يمصخونها جاية الجامعة ببلوزة كت و لا تنورة برمودا ... :g20:
بالنسبة للكتب ....
صراحة أنا من خلال تجاربي شفت أن مكتبات الاحساء مو كثير مهتمة بالكتب الطبية ..
حنا بالدمام نشتريها من جرير .. أو المريخ _ أرخص من جرير _ و بعض الكتب تكون موجودة في وحدة منهم بس .. بس للحين ما صادفني أن الكتاب مو موجود على طوووول السنة بحيث خلصت علي السنة و أنا ما اشتريته ... حتى لو ما كان موجود .. حطي عند المكتبة طلب _ مجموعة طلبات بتصير عندهم اذا الدفعة كلهم محتاجينه _ و يجيبونه لك بعد اسبوع تقريبا .. هذا الكلام حصل لنا مع جرير
بسنة أولى .. لازم تشترون كتاب البيولوجي .. و الله نسيت اسم المؤلف لكنه كتاب متوفر بكثرة و كل شوي نازلة منه طبعة جديدة .. و كتب الانجلش بعد لاااااااازم تشترونها و برضو متوفرة
بالنسبة لكتب الفيزياء و الكيمياء و الكيمياء العضوية .. بصراحة اذا حصلتوهم من طلاب السنين اللي فاتت خذوهم منهم و ماله داعي تصرفون فلوسكم عليهم و هم ما منهم فايده ...
كتاب الفيزيكس _ غيروا الدكتور اللي درسنا على سنتي _ لكن عموما كنا نحتاج الكتاب بس عشان التمارين .. و بعد سنة أولى خلاااااااااص ارميه لأنك ما راح تحتاجينه مرة ثانية بسنوات دراستك الطبية
و نفس الشي الكيمياء ... أنا لما كنت بسنة أولى .. كنت متحمسة و شريتهم .. و اللحين مدري وينهم .. وزعتهم على البنات اللي جاو بعدي بسنة أولى .. و ظلوا كتبي و دفاتري يتنقلون من سنة الى سنة _ عندنا بالسكن _ لما آآآآآآآخر شي .. شفت دفتري الكيمياء بسنة أولى منزلينه نوووووته في الكوبي سنتر للأولاد و البنات ...
يعني عااااادي خذو من خبرات و مجهوووود الناس اللي قبلكم و ضيفوووا عليه .. عشان تصيرون أحسن منا .. بدل ما تبدون من الصفر ...
بالنسبة للدكاترة ... <<< عاد نسيت بعضهم من سنة أولى .. و بعضهم انتقلوا من الجامعة
خلاص عشان ما أخبص بالدكاترة
الرابط اللي كان موجود ببداية الموضوع .. أظن أنه شامل
اممممم بعد وشووووو
عن الجوالات ...
ترا جامعتنا ما ترحم بالجوالات .. كيفكم هذا أنا قلت لكم
أحيانا .. توصل فيهم يجيبون لنا جهاز التفتيش الآلي .. لأنه تصير بعض التجاوزات من البنات
أحيانا بعض البنات يحتاجون الكاميرا بالمعامل عشان يصورون بعض الاشياء و هيك ... هذي ياخذون لها أذن مخصوص من الأدارة تسمح لهم أنهم يدخلون كاميرات ديجيتال و غيرها للجامعة
و بث .. أظن هذا اللي قريته
اذا لسه في اشياء ثانية .. تبغون تعرفونها
تفضلوا بالسؤال و أنا حاضرة باللي تامرون عليه !!!