اخواني واخواتي منتسبي ادارة الاعمال اسعد الله اوقاتكم باليمن والمسرات
قدر الله علي وانسحبت من هذا الترم وراح انحرم من متعة أجواء الإمتحانات هذي السنه
ومتعة انتظار النتايج<<-- جالس ومستند عالجدار يرسم دوائر بالرمل ويتذكر السمستر الماضي
بس خيره ان شاءالله راجعين اذا الله عطانا عمر
المهم مالكم بالطويله
كلكم عارفين ان الجامعه نحيسه وماتخلينا ناخذ ورقة الاسئله معانا
وأسئلة الانتظام تختلف نوعا ما عن اسئلة الانتساب
لذلك ارتأيت ( يا ولد )
ارتأيت ان يتكرم علينا 20 متطوع من مستوى 2 وكذلك 20 من مستوى 1
ويسجلون اساميهم بهالموضوع مهمة كل واحد فيهم حفظ خمس اسئله من الاختبار
وبمجرد خروجه من الامتحان يطرحها في موضوع مشترك مع باقي المتطوعين
راح يفيد بإذن الله اخوانه واخواته اللاحقين ويكسب فينا وفيهم الاجر بإذن الله ..
اتمنى يكون الاقتراح مفيد وياليت نشوف اعداد كبيره من المتطوعين
هذا وارجوا من الله لي ولكم التوفيق والسداد