ياويلي هادي كلها اسئله
يالله رفعت اكمامي عشان اجاوب 
.. وبسم الله
اول شي احنا تمام واخبارنا عال العال
والمذاكرة اهو قاعدين نذاكر وربك يسهل بس
\\ التقنيات من زمان الدكتور طالب الكتاب وترى المذاكرة منه
يعني الكتاب اساسي في هادي المادة
اما اللي ماعنده كتاب على كلام الدكتور ممكن ينجح بالحد الادنى اللي يفتح المحتوى بس
\\ نجي للبحث
البحث ماله ملزمة
له المحتوى اللي بينزل في البلاك
اما الكتاب هو طلبه بس لمن سألته اذا المحتوى + المحاضرات يكفوني عشان اخد الامتياز قلي ايوه
وحتوضح الصورة اكتر وقت اللقاء
\\ علم النفس التربوي
ليش تبغيه ينزل ملزمة
شكلك متوحمة عالملازم.gif "(284)")
ما احلاه ملخصه اللي بينزله في البلاك
واضح ومختصر
يعني عليك بالمحتوى والمحاضرات ولو تكتبي معاه الاشياء الاضافية
\\ الادارة التربوية
من فين جبتي الكتب
ماطلب كتاب ابدا
مو مطلوب مننا غير الملزمة اللي بجزئين في البلاك( ترى اللي نزلتها في المكتبة 3 اجزاء - فواحد جزء منهم محذوف , قارني الملزمة باللي موجودة في البلاك-)
\\ عاد العقيدة مالنا غير الملزمة
صح طويله وكل شي معانا من الى
بس لو بدأتي فيها حتلقيها حلوة وبسيطة بس ابدي فيها من دحين
\\ البناء صراحة وانا زيك مدري بيتكلم عن ايش
بس البنات اللي مسكوا المادة وذاكروها شافوا انها حلوة وبسيطة
فأمسكي المحتوى اللي منزله واكتفي بمذاكرته تماااااااااااااااااااااام
\\\ علم نفس النمو انا لسه مابدأت اذاكره بس اتعودنا على اسلوب الدكتور
محتواه حلو ومتوسط والاسئله ماخرجت منه وسهله
يعني ان شاء الله هادي المادة من المواد اللي الواحد مايشيل همها
ترى حلوووووووو الاحياااااااااااء
انا عن نزول الماضرات المباشرة والواجبات ان شاء الله نتفائل انها كلها تنزل قبل الاختبارات ويمدينا كلنا نضمن ال30 فيها
وتفائلوا بالخير................. كملي