ياغربة دروب عمري لا توديني
لأقصى طريقآ يبعدني عن أوطاني
أوااااااه ياغايبة وينك وأنا ويني
مليت من غيبتي فعيون جدراني
مافي سكوتي سوى صوتك يناديني
ولا في ظلامي سوى طيفك ودخاني
ياغايبه والظلام اللي يقديني
مايشبه الا غيابك وأجمل أحزاني
روحي أنشدي قلبك اللي ضيع سنيني
وشفيه يهوى غيابي كان يبغاني
وأنتي اللي بكل مابك ساكنه فيني
في بيتي ووحدتي وفـ نظرة أخواني
ياكثر ماني دفنت الدمع في عيني
وياكثر ماأنتي زرعتي البرد لأحضاني
ماكنتي إن غبت لو لحظة فقدتيني!
وأن غاااب صوتي سألتي عنه خوياني
ماكنتي أن هلت دموعي تهديني
ماكنتي اللي تبيع الناس من شاني
ماكنتي اللي تزعلني وترضيني
ماكنتي اللي تضيعني وتلقاني
ماكنتي وكنتي وكنتي وبعتيني
ياكثر ماكنتي وكنتي على لساني
اليوم ذكرى وداعك وش بتهديني؟
اليوم عيد الفراق وحفل نسياني
اليوم أنا بشتعل شمعة وطفيني
اليوم أبهديك حظآ ماتمناني
كل عااام وأنتي: بعيدة ماذكرتيني
وكل عااام وأنا: السهر بيتي وعنواني
ياغايبه.. معك يكفي ضاعت سنيني
هو باقي عمرآ يضيع لواحدآ ثاني!!
لــ محمد الوسمــــي