أخوي مقطع حق
جزاك الله كل الخير على طرح هذي القضيه
من جد شي ماينسكت عليه
ومو بس هذولي السي ديات
اذكر مره كنت جالسه مع وحده متزوجه ولدها كان بذاك الوقت عمره مايتجاوز ال 8 سنوات
وقالها ابي اروح للمكان الفلاني في سي ديات حلوه ورخيصه
تقول رحت معاه ولقيت هوايل مو بس العاب اشياء ينحرج الواحد من قولتها وبعدها خليته يشتري اشياء مش خالعه بس لما قام يلعب طلعت فضايه ولما هاوشته قالها عادي ماما هذي اشياء كل الناس يعرفونها!!!
شلون هالمحل يسمحله ضميره يبيع هالاشياء لاطفال
الله لايسامحهم ولا يحللهم الي هدفهم يخربون اطفال ابرياء كذا
مفروض يكون في رقابه اكثر احنا دولة الحرمين ومنبع الاسلام يصير اشياء زي كذا عندنا
مفروض الاهل يكثفون الرقابه على اولادهم
وش يلعبون وش يشوفون في التلفزيون وفي النت
بس الغلط على الطرفين من الجهه المسئوله عن احضار هالاشياء ومن جهة اولياء الامور
الله يحمينا ويحمي اطفالنا
ومره اخرى مشكور اخوي على موضوعك
واتمنى نلاقي تفاعل من الكل