مرحبا
معليش داخلة عرض..
بس قلت أشارك لأني وأنا اقراء المشاركات قرقع كلام في صدري و ودي أقوله..
الدكتور أحمد الله يذكره بالخير... دارس علم اجتماع وتخصصه علم اجتماع جنائي حسب ماقال لنا لمن درسنا وسوا بحثه حق الدكتوراة على مساجين..
يعني فاهم في النفسيات ، وكيف تقبل الطرف الآخر للنقاش ومتى يشد ومتى يرخي..
لكن الله يصلح بعض البنات تفهم الموضوع خطأ.... أنا ماراح ألوم البنت.. أكيد هي ندمانة عدد شعر راسها ((( وهذا المطلوب ))) إن فيه ضمير يقول ترا اللي صار خطأ والمفروض مايتكرر
وشغلة ثانية... ليش ماتحضرون المباشرة؟؟؟
علشان موقف نأخذ ردة فعل!! ما وضعت هالمحاضرات ويجي الدكتور من بيته في وقت المفروض إنه مع أهله إلا ولها فائدة.. والا يقعد مع أهله أصرف له..
لا والله بأحضر ولا علي من أحد... كلام ينفعك خذه.. وكلام يضرك اتركه
كلنا كبار ونعرف وش اللي لنا وش اللي علينا...
وبالنسبة لكلمة أغبياء ولا يهمكم ولا تفكرون فيها .. الكل عارف نفسه وقدره وتربيته ومستوى ذكائه..
احترامي لكل من استنكرت هذا الموقف... هذا لوحده حاجة تبشر إن الدنيا باقي بخير وإن بناتنا يملاهم الحياء..
عذراً ع الإطالة ...
ودمتم