السلام عليكم ورحمة الله وبركاته..
من الظلم الحكم على الطرق الجديده اللي وضعتها الجامعه لنا من اول سمستر!!!!!!!
صراحه انا متفائل واشوف ان كل شي يدل على اهتام الجامعه بطلاب الانتساب وهو من عدة نواحي:
الاولى: وضعوا لنا واجبات وعليها عشر درجات واتوقع الجميع يستطيع حلها واذا استصعب عليه هناك اخوان واخوات لنا بالمنتدى (الله يجزاهم عنا خير الجزاء) مايقصرون يضعون حل واجبات المقررات اول باول.
الثانيه : المحاضرات المباشره.. ووضعوا عليها عشر درجات ولم يلزمونا بحضورها مباشره .. حيث كل طالب يستطيع مشاهدتها بعد نزولها في البلاك بورد... يعني عشر درجات مجانيه للطلاب
الثالثه : منتدى الحوار وضعوا عليه عشر درجات بمجرد مشاركة الطلاب ومناقشته مع الدكتور او احد زملائه بالمنتدى
يا اختي انا اقول صراحه الجامعه تبي تساعدنااااااااااااااا بس بطريقه علميه ومتماشيه مع النظام التعليمي
الواجب منا كطلاب نقدم لهذه الجامعه والقائمين عليها كل الشكر والتقدير
وبخصوص الانقطاع ومشاكل النت هذي حاصله بكل مكان بالعالم واذا قصدك تعليق الموقع والمشاكل الحاصله فلاتنسين ان عدد الطلاب تجاوز ال6000 وغير اللي يدخل على الموقع من المنتظمين والدكاتره والباحثين عن التسجيل وغيرهم..
ولاتنسين واقولها ثاني مره... هذا اول سمستر يطبق فيه هذا النظام واللي هو تحصيل ال 30 درجه.
وان شاءالله السمستر الجاي بيكون افضل واحسن بكثير.. خلينا متفائلين
يمكن تقولين اني فاضي وماعندي شي عشان كذا اتابع اول باول ..
انا موضف واعمل باليوم 8 ساعات ولدي التزامات الله عليم بها لكن لابد من تنسيق ايام الاسبوع ووضع جداول لدارسه وترتيب وقت لمشاهدة المحاضرات >>> هذي شهاده جامعيه تستاهل الانسان يبذل قصارى جهده والغالي والنفيس للحصول عليها وبأعلى الدرجات.
اتمنى ان تتقبلي مروري واني ما اطلت عليك لكن شدني موضوعك وحبيت اوضح بعض النقاط عسى ان يكون لها صدر رحب من الجميع وان تفيدك وتفيد الجميع راجي من الله التوفيق لنا ولكم ولجميع من ينشد النجاح واعاننا الله واياكم على فعل الخير
سبحان الله وبحمده سبحان الله العظيم