|
وش الحل مع البلاك بورد والمشاركات (مشكلتي جزاء من مشاكل الطلاب والطالبات)
السلام عليكم ورحمة الله وبركاته
العنون دليل على المشكله ... للاسف بنكمل الاسبوعين من بداء البث المباشر للمحاضرات والبلاك بورد من سيئ لاسواء ... ولا والي زاد الوضع سوء قرار النسبه والتناسب حق المشاركة ... يعني بالعقل موظف\هـ او ربة منزل يقوم من الساعة سته الا... ويطلع لدوامه من سته ... ويرجع مع تصليحات وتسكيرات الشوارع على صلاة المغرب يعني اكثر من 10 ساعات دوام ... ويادوبه يبي يلحق على المحاضرة المباشرة الي تبداء بعد 20 دقيقه وبعد عراك يكتشف انه البلاك بورد معطل وعدد الحضور الي اقدروا انهم يحظرون اقل من 10 ... وبعد مايحرق دمه واعصابه ويدعي على الكمبيوتر ويكتشف انه المشكله في البلاك بورد وساعتها يقعد يتحسب على الي كان السبب في هل الاعطال ورغم الشكاوي لا موجيب بالعكس تحس رد الجامعة رد معاكس للشكاوي بدل مايصلحون يزيدون الوضع سوء ... اكبر دليل اول ثلاث محاضرات ماقدرت ادخلهم والمشكله البلاك بورد والضغط ... غير انه يوم انه دخلت على البلاك وقعدت انتظر للمحاضرة تاخر الاستاز نص ساعة كامله وصرنا نحاتي انه تئجلت مثل الرباضيات ولا البلاك معطل ... اما بخصوص قرار النسبه والتناسب وش قصدكم فيه ... اعجاز للطالب\هــ خاصة وانه واجد منا الى الان ماقدر يبداء مزاكره من انشغاله (يدوبه يدخل ويحاول يحل الوجبات الي الى الان واجد من ماقدر يحل بسبب الاعطال وينزل المحاضرات المسجله والمباشره) وفي النهاية وقبل نهاية السمستر بشهر ينزل هل قرار يعني وين كنتوا من اول السنه ... ولا لان الكلام بالمجان ... تلعبون معانا مره ينحسب لكم بس دخول والرد على المشاركات المفيده ومره لا لازم مرتين في الاسبوع لكل ماده عشان ينحسب لكم درجات ... والنهاية يعني ... يعني تزلونا على ثلاثين درجه ... لو هي ضلت مع الدرجه النهائيه احسن الف مره من الزل الي عايشين فيه اللحين
لي اسبوعين احاول اشبك على البلاك بورد وللاسف مايشبك مع برغم من استخدامي اكثر من جهاز كمبيوتر واتصالي من افضل الاتصالت يعني مافيه اي عيب الا انه مايشبك ... يعني متى بلقى وقت ازاكر واحل الواجبات واكتب ردود ملتقى الحوار ... ابي حل فوري ونهائي يحل لي مشكلتي انا وعدد كبير من الطلاب والطالبات.
دمتم بحفظ الرحمن ... في امان الله
|