[align=center]
بسم الله الرحمن الرحيم
كلامج يا اختي شموع 100%
بصراحه الشي اللي صار لا يطاق من حش وغيبه ونميمه خصوصا اننا :
مسلمين اولا
عرب ثانيا
اخوه في الله ثالثا
وغير جذي كافي ان الدكاتره يعطوننا من وقتهم وجهدهم ويحاولون قد مايقدرون يوصلون لنا المعلومه
نعم (قد يكون) بعض الدكاتره ما نفهم عليهم او بالاحرى شرحهم ماله شغل بالدرس مثل دكتور علم النفس الفاضل .. لكن ماكان لازم ان البعض يستلمه حش لدرجه انهم يعيبون ع خلقة الله يعني المفروض الشي المتوقع من طلبه اكادميين اسلوب ارقى في التعامل يعني احنا في هذا الملتقى من مختلف الاماكن والدليل اللهجات المختلفه وكل واحد ووحده يمثلون بيئتهم .. بصراحه انا مارضيت ع اللي صار بالمحاضره المباشره لعلم النفس وكتبت رد للجميع كعتاب خفيف لهم وكتذكير على افعالهم لأن واضح ان البعض نسى نفسه ونسى ان اهوا الطالب
,,, انا الحين اتحدى اي طالب او طالبه حشو بالدكاتره يقولون هالكلام في وجوه الدكاتره ,,,
واللـــــــــــــــــــــه ما تقـــــــــــــــــــــدرون
مو لان محترمينهم (لا) خايفين ع درجاتهم..
وياليت بس دكتور علم النفس لاااااا السالفه مطوله وواجد دكاتره غلطانين عليهم (البعض)
انا ابدا ماعجبني اسلوب البنات ولا حتى الشباب من بعدنا في المحاضره المباشره لعلم النفس حتى اني قلت لامي وخواتي عن الكلام اللي انكتب على الدكتور وعلى التعليقات السخيفه على اي بنت تمسك المايك وحيل استغربو وتضايقو ان بعض الطلبه بهذا الزمن وصلو لمثل هذي المرحله
مثل البنت اللي تسمونها (دافوره >>ع قولتكم ) اللي حافظه ودارسه .. اللي بعرفه ليش تغلطون عليها وتسبونهاوتتمصخرون
ماتدرون ان الله تعالى يقول "يا أيها الذين آمنوا لا يسخر قوما من قوم عسى ان يكونوا خيرا منهم و لا نساء من نساء عسى ان يكن خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان ومن لم يتب فأولئك هم الظالمون " .. سوره الحجرات الآيه 11
يعني بس بعرف انتو غايرين منها ؟! لان هذا اللي واضح على اللي تمصخر عليها .. اهي الحين احسن مننا ودارسه وفاهمه والله موفقها والدليل ان بكل محاضره يمسك معاها المايك وهذا توفيق
وواجد بعد مو بس هذي البنت واجد نماذج تمصخروا عليهم .. يعني الواحد قبل لا يتمصخر ع الناس او يعلق عليهم يسأل نفسه (( هل انا افضل من اللي بتمصخر عليه ؟ ))
ادري اني طولت وتقريبا قلت بعض مما كنت بقوله .. وهالكلام ما اقصد فيه التجريح لا والله انما القصد منه توضيح بعض الافعال الصبيانيه اللي بدرت من بعض الاعضاء والعضوات ..
ادري ان كلنا نخطئ بس اتمنى مانخطئ في هذا المجال مره ثانيه
واحنا بالنهايه طلاب وطالبات واللي تشوف علي غلط تقولي مثل ما انا اشوف عليكم اخطاء واقول لكم
وارجو من بعض الاعضاء يسامحوني على انفعالي لكن صج شي ماينسكت عنه .. اليوم وصل لدكتور غسان .. باجر ماندري وين بيوصل
[/align]