المشاركة الأصلية كتبت بواسطة سفير الشرقية

[align=center]اخوي سؤال :[/align][align=center]

وش افضل عندك حد اقصى 14 مشاركة بالترم أو 14 مشاركة باليوم .؟

نعم وبالفم المليان . الدكتور النجار وقف قلباً وقالباً مع الطلاب والطالبات .

واللي مايفكر ولا يفهم ويعتبرها ضحكة من العمادة عليه . هذا مع الأسف مايصلح نطلق عليه طالب جامعي .

يا عزيزي هذا استاذ دكتور , وعميد التعليم عن بعد يعني يجب عليك إحترام قراراته سواءً لك أو عليك .

ولا أعتقد بأنه يكيد الحيل للضحك على الطلاب , أو من أجل شيء أنت تفكر به .

وقرار الـ 30 درجة بعد كل هذه التسهيلات أصبح في جيبك . تدخل الإختبار وانت ضامن 30 درجة .

مسألة مشاركة فعالة . دائماً يرددون ذا الكلام عشان محد يلومهم ماهم قايلين ادخلوا بس شاركوا بكلمة ماهي بزينة في حق الجامعة ولا حقه كدكتور . وعميد للتعليم عن بعد .

ثم أن مسألة تفسير نوايا الطلبة الذين يردون على الدكتور بكلمة شكراً أو خلافها . هل يريدون درجة على الرد . أم لأ . ما أدراك عما بداخل صدورهم .

بل هو من باب تقدير مجهود الدكتور عبدالله . تجاه المنتسبين وتذليل كافة الصعاب .

يمكن لو أحد غيره قال النظام مفروض على الجامعة وليس بيد أحد .

وانت يالطالب عليك تحصيل الـ 30 درجة بمجهودك .

واقعد ذاك الوقت ادخل منتدى الحوار وشارك إذا قدرت . وسنتر قدام المحاضرة المباشرة في وقتها . وحل الواجب في اقل مدة راح تعطيك اياها العمادة .

الآن أسهل من أول ياناس .

والدكتور النجار يقول انهم ينظرون لوضع البلاك بورد عشان يكون سهل دخول الطلاب عليه .

لـــذا :

1- 14 مشاركة في الترم كامل بواقع مشاركة مع كل محاضرة أمر سهل ويحد من مزايدات بعض الطلبة الواصلة مشاركاتهم 100 .

2- الواجبات واختيار من متعدد وجوابها تلقاه في كل مكان ومعك وقت طويل لإرساله واربع محاولات .

3- المحاضرات المباشرة إذا ماقدرت تدخلها تلقاها مسجلة بمجرد دخولك عليها في أي وقت تحسب لك درجة .

بعد هذا كله تقولون ضحكوا علينا .

أجل شلون تبون الحل في نظركم .


بالله لو قالوا المحاضرة المباشرة إذا ماقدرت تدخل عليها في وقتها تروح عليك درجتها وش بتسوون وقتها ؟

عجيب والله ..

لنرتقي بفكرنا ونوزن كلامنا قبل أن تقذفه السنتنا .


والسلام عليكم ..[/align]