المشاركة الأصلية كتبت بواسطة نمرود ين

السلام عليكم ورحمة الله وبركاته

طبعا أنا كنت معتذر عن كتابة أي رد بس شفت الموضوع شوي طول فقلت خليني أكتب ردي بكل صراحة
وأعبر عن وجهة نظري مع العلم أني أحترم جميع وجهات النظر المكتوبة في الردود

العنوان (( اللي إنقبلت حاسب بعلوم الدمام تدخل ))

أول الموضوع (( نبغى نتعرف على بعض ))

الكلمات هذي هي الكلمات اللي قريناها أول الموضوع

أنا طبعا مني من طلاب الحاسب

بس مجرد تعبير عن رأي

البنات بعد كرف لمدة 12 سنة إنتقلو لعالم الجامعة وتركو أكثر صديقاتهم وتفرعت الطرق وكل بنت حست إنها بتصير وحيدة بالجامعة فدخلوا الموضوع وتعرفو على بعض

بعدين أتوقع الدراسة ما بدت عشان يسألون عن شي وللمعلومية لو ترجعين شوي بالردود تلقين إنهم خلصو أسألتهم كلها
الشي الثاني
لكل بنت طبيعة وما أتوقع تغير طبيعتها لعيون بنات المنتدى
إنتي لمن دخلتي الموضوع حسيتي إن البنات يتكلمون بكل عفوية وبراءة

وأنا أعذر الأخت أسيرة الأمل ربما لفارق السن بينها وبين البنات

الشي الأخير هذي عطلة والبنات ما يبون يقلبون الوضع تراجيدي بالمعنى الصحيح

فكلها كم يوم ولاحقين على الهم

الله يوفقهم كلهم

وأتمنى إن ردي ما زعل أحد