سكر بنات
إن نزلتك شوق..
تعبني طلوعي
وإن طلعتك شوق..
نزلتي دموعي
يا اغرب.. اغرب من يحب ..
واقرب اقرب .. من يحب ..
أنتي وحدك
عارفة.. موعد خضوعي..
** ** ** ** **
فرقيني
وبسهولة فرقي بيني.. وبيني
و أوعدك
ل..أنجمع لأجلك حبايب
من هدب قلبي.. لعيني
فرقيني..
و أوعدك..
ل.. انتثر لأجلك هبايب
فرقينا..
وانثرينا.. كلنا
أنا..
وأنا..
وانا
وأوعدك ما تعرفي
من أنا فيهم
ومن فيهم..أنا..!!
** ** ** **
شرقيني
وانزعي للشمس.. جلدي
لين تلعن..
خامس الدنيا جلودي..
ولين أنسى..
سادس أسامي جدودي
واتركي للرمل حفنة
من ترابي
لأجل اسميها.. حدودي
يمكن ((أتريق)) بماها
يمكن أدفا في سماها
ويمكن أناضل.. وأموت
واندفن
لكن معاها..!!
** ** ** **
فسريني
كيف أنا ميت .. واسولف
وكيف أنا
مشلول.. وأوقف
وكيف أنا أتنفس
وأنا اذكر
أن آخر شي فيني
كان..
هو ذاك الرماد
وان آخر ما لبسته
من ثيابي
كانت ثياب الحداد
كلها كانت سواد..
كلها كانت سواد
فسريني ..
هو أنا موتي غدا
كبوة جواد..!!
** ** **
اصبري...
لأجل اعتذر لك
عن ثمان سنين مرت
من وفاه..
كنت اسميها... حياتي
اصبري
لين أجمع لك... رفاتي
اصبري.. ب..أشوف أمي..
كيف تبكيني علي..
اصبري..ب..أشوف دمي
هو صحيح يصير..((مي))
اصبري..
اصبري...ب..أقول شي:
هو أنا.. للحين ((حي))؟!
** ** **
تصدقي
ما مت باقي..
يمكن اللي مات..موتي
يمكن أنا حي..((عايش))
وأنتي فسرتي سكوتي
أن ما فيني حياة..!!
** ** **
بعد هالموت المثالي ..
تسمحين أطل من عيني
على عينك.. وأشوفك..
وبعد ماعدى على موتي ليالي ..
تسمحين أشوف آخر
من لمس جمرة كفوفك..
تسمحين اعرف من اللي
قال لك.. يااحلى البنات..
قالت انت
واللي قبلك..
قالها البارح..
ومات!!