المشاركة الأصلية كتبت بواسطة أحمد السيار

هذا القصيدة كامله

يستاهلون شمر

الشمـس غابـت وكـلٍ دور سراجـه

والشوق جمّر .. مااحر الشوق لاجمّـر

دام إتجاهك شمـال مودعـك حاجـه

سلم على حايل .. وسلـم علـى شمّـر

قدامك الخافـق اللـي ينشـد علاجـه

كنه معلق على بـرزان ومسمّـر .. !

وإنت تعرف يابعد حيي مـن تواجـه

بيضان الأفعال لامن الزمـن سمّـر !

إن ضاقوا اعنف من البحر ومن أمواجه

وإن راقوا أركد من الخرمان لاعمّـر !

كم صيت بيتٍ عتق هالبـاب مزلاجـه

وكم شيخ إماره قبل تعيينـه مومّـر !

وكـم حاتمـي تكفـي فلـة حجاجـه

وشلون للضيف لو عن ساعـده شمّـر

وإن مـر تاريخهـم متلبـسٍ تـاجـه

كم عاشقٍ كيـف وكـم حاسـدٍ زمّـر

في جو أغلى على الرجلي إليـا داجـه

من ديرة السادس ومن ديـرة معمّـر

كنه إلى أهـدى لـه البـراق ثجاجـه

طلة غرير ضحك ومن الخجل حمّـر

توارثـوا حرثـه وتمتيـر ديبـاجـه

ركابة الجيـب مـن ركابـة الضمّـر

الود لا غرس بدري صعب مخراجـه

والله ولا الذ وأحلـى منـه لا ثمّـر !

أدخل على اللي تطوف البيت حجاجـه

من ناقص عند مـدح الغيـر يتذمّـر

والمدح لو كان في الرديـان للصاجـه

ويقال " عمر بلد " باالعـون ماعمّـر

والذم لـو زاد فـي الطيـب تولاجـه

لا أحرق ولا أغرق ولا عمّر ولا دمّر

مانيب متحسف بشعري علـى حاجـه

إلا إنـي أروح ماغنيـت فـي شمّـر

الشاعر المبدع ناصر القحطاني