المبيعات بكل بساطة
لو انت عندك منشأة و تبيع منتوجات
البيع بيكون بثلاث صور
يا نقدي او شيك او على الاجل
النقدي يعني دخل بحساب الصندوق مبلغ كذا لحساب المبيعات
وطبعا الصندوق مدين والمبيعات دائن
لأن الصندوق اخذ فلوس المبيعات يعني كأن المبيعات عطت او لها بالصندوق المبلغ اللي تم تحصيله من عملية البيع
الشيك نفس الطريقة بس بدل مانقول صندوق نقول البنك
لأن الشيك نصرفه من البنك معروفه
ويكون البنك مدين لحساب المبيعات
يعني نفس الشي
الاجل نفسهم
بس الفرق ان هنا ماحصلنا فلوس بس لازم نثبت عملية البيع
ونقول انها من حساب المدينين الى حساب المبيعات
طبعا المدينين بالجانب اليمين لأنهم اصلا مدينين للمبيعات
والمبيعات بكل الاحول بجة اليسار بالدائن
بالنسبة لمردودات المبيعات من اسمها معروفه انها مردوده
يعني بضاعه بعناها بس رجعت او رجع جزء منها لأي سبب كان
بالحالة هذي تكون المردودات المبيعات عكس المبيعات
وبما انها عكسها يعني المبيعات كانت الدائن
الحين مردودات المبيعات صارت مدينه
يعني باختصار المبيعات دائنه لأنها ايراد
والمردودات مدينه لأنها مردوده شلون احسبها ايراد ؟؟
وطبعا المردودات لها نفس صور المبيعات
يعني ممكن تكون مردودات نقدية او شيك او بالاجل
نجي لمسموحات المبيعات
يعني شي بعناه واللي اشتراه شاف اختلاف بالمواصفات مثلا
قلنا له مش امورك فيها وبنخفض لك مثلا من سعرها
وافق الرجال وخفضنا له بالسعر
وطبعا هالتخفيض لازم نسجله بدفاترنا
بأسم مسموحات المبيعات
وبنفس الصوره دام انها عبىء علينا لازم نحطها مدينه
ونقول من حساب مسموحات المبيعات الى حساب الصندوق او البنك او بالاجل على حسب طبيعة المسموحات اللي وصلتنا او بتوصلنا
الخصم لما نجي نبيع ينقسم لقسمين
1- خصم تجاري اللي نعطيه الزبون لما يجي يشتري وهذا النوع نسجله بالفاتوره بس مانسجله بدفاترنا
2- الخصم النقدي او المسموح به وهذا نعطيه للزبون اللي يشتري بضاعه على الاجل وعشان نحمسه انه يسدد بدري نقول له سدد ونخصم لك وهذا النوع يتسجل لأنه عباره عن تخفيض بالايراد
ومع الامثلة بالمحتوى وشرح اخوي خالد إن شاءالله بتتضح الصوره اكثر
وجاري النظر بباقي المحاضرات لتبسيطها
واذا فيه أي سؤال انا بالخدمه