مشكورين اخواتي الاعزاء على مشاركتكم جدا اسعدتموني
المهم ياطويلات العمر طبعا انا ماسكتت عنهم ورحت الارشاد وشبه تهاوشت معهم وقلت لهم خليكم صريحين وواضحين بكل القوانين موتفاجئون الطالبة من الصباح وتخرعونها بقوانينكم الجديده اللي مال امها داعي واكتبوا ممنوعاتكم على كبر الكليه هدايا ممنوع , تراميس شاي وقهوة ممنوع زي موفالحين وكاتبين عن اللبس والتنانير كملوا باقي الممنوعات وتدرون اني من زود قهري رميت اللي بشنطتي بوجه سكرتيرة هاذي نورة الطريقي قلت لها شنو في شنطتي عشان تتجرأ وتفتحتها قسما السكرتيرة ذي كانت مرة طيبة وحسيتها افتشلت من تصرفات الامن بس قالت مو باليد حيلة وتقوم تكلم نورة الطريقي اللي استغفر الله مدري وش اقول على ايش صايرة مديرة امن واهي ماتعرف تتصرف معهم بالوجهة الصحيحة المفروض ترشد هالامن قبل كل شي على المعاملة وحسن الخلق مو على تخويف البنات وغربلتهم يبيلهم دورات مكثفة هالامن ماادري من اي بيئة جايين ذول الصراحة وحوش مفترسه
وبعدين رحت للامن وكذلك عدت لهم ماقلت للارشاد الا ترز فيسها وتقولي مالك كلام معي كلمي الارشاد والله اني هزئتهم ولا خفت منهم وقلت لها لجيتي بتفتشين احد صفي البنات طابور وحده وحده مو التفتيش على ناس وناس والا السالفة انك حطيتني براسك عاد يوم قلت لها حطيتيني براسك نرفزتها هالكلمة عدل وقالت اهي واللي لا احنا نفتش اللي شنطهم كبيرة وليه ماحطيتي اغراضك بالصندوق قلت لها ماعندي صندوق ولا اجباري بعد تاجير الصناديق وقالت اهي واللي معها اخذي الهديه قلت لهم سلامة عمركم خلوها عندكم وحافظوا عليها ماعندي مكان لها لفضيت بجي اخذها بس حافظوا عليها وقلت لها خير ليكون جايبه مفجرات ولا سارقة حلال ابوك عشان تفتشيني من بد البنات قسما ماعرفت ترد وغبية وهمجية وقلت بعد للارشاد خل امنكم تشيلني من راسها لاني موفاضيه لها وهذا اخر ترم لي وبلاش اذية للبنات وبفتك من وجيهكم خبركم بس عندي هالترم وماده من الترم الجاي ومتخرجة باذن الله ولاتخربها علي وانا باخر اسبوعين من الدراسة وبردت قلبي فيهم وهديتي لازالت عندهم يعل ربي يبيد كل امن متسلطة على الطالبات قولوا اميييييييييييييييييييييييين