|
رد: ؛¤ّ,¸¸,ّ¤؛... دع الصــوره تتكلم ... ؛¤ّ,¸¸,ّ¤؛| (( منع الصور النسائية))
دخيلك ياهوى الغربي على قلبـي تهـب بزيـن .. تراك محمـلً بأشيـآ تهـز القلـب وضلوعـه
تراك محمـل بأشيـا ً خفيـه مستحيـل تبيـن .. ولايفطن لها كـون الجريـح مـلاوع اللوعـه
عليـك الله وجـاه الله تلـف يسـار ولايميـن .. ولا تحيي جروح عروق مـن عاميـن مقطوعـه
تنحرتك وانا اعـرف النتيجـه دمعـه وبيتيـن .. ومجموعة هواجيس(ن) تخالف هـي ومجموعـه
وتنفستك وانا اعرفك على روح الشقي حديـن .. لكـن الله آمـرك وجابنـي باقـدام مقلوعـه
وجودي وجد من خلي يقيـده الزمـن للديـن .. عفيف(ن) ما اظهر الحاجه ولا فزعوا له ربوعـه
والا ياوجد حالي وجد من خلي يشوف الشيـن .. يتيم(ن) كلمته لا من شكى ماهيـب مسموعـه
توفى ابيـه عـاده مابعـد ينطـق اسمـه زيـن .. وعاش بلآ اخوان وناقـعً كمّـه مـن دموعـه
على اللي راح بفوادي وانا ادري ليه وادري وين .. وروّح روحـة(ن) مجبوعـةً ماهيـب متبوعـه
ملا صدري { غلا } واقفا وانا ضامي فواد و عين .. -لو إنه بس وادعني علي اهـون مـن الروعـه
وبنآ له فالحشى سورً مثل سـورً بنـآ فالصيـن .. يـرد العـاذل ويحمـي ورودً فيـه مزروعـه
حلف لي دين ماينسى وانا اللي قد عطيتـه ديـن .. انا ديني على ماهـو ..وهـو ماغيّـر طبوعـه
على خبري لكني رحـت ادور للحقيقـه ليـن .. عرفت اسباب ماتقنع وشفت اسباب مشروعـه
لو انه راح هاجرني علـي اهـون مـن الثنتيـن .. مراحً مايبيه وعبـرة(ن) فـي الحلـق مقروعـه
عسى ربي يسامح كل من لـه فالفـراق ايديـن .. سبق سيف الفراق العـذل ياروحيـن منزوعـه
دخيلك ياهوى الغربي ترى مانـي مـن الساليـن .. ولو بينت لك ضحكه تراها صـدق مصنوعـه
دخيلك كف ولا لـف ولا غيـر هـب بزيـن .. ترى ماهو يعرفك كون انـا ومـلاوع اللوعـه
|