|
رد: تكفوووون طلبتكم من يقدر يساعدني في مهارات البحث
نشوف الطريقة التانية اللي هي المنتظمة:
تتميز هادي الطريقه باننا نختار رقم ويكون هو الاساس وبعدين نزيد الارقام اللي بعده بعدده وتتسمى القفزات المنتظمة
نجي للشرح:
مثلا اعطاني مجتمع بحث وعدده 600 والباحث يبغى من ال600 بس 100
فعلى اي اساس حيختار الباحث عينته؟؟؟.gif "(107)")
اول شي يطلع الرقم الاساس اللي قلتلك عليه اول بأننا نقسم مجتمع البحث على عدد العنيه
يعني 600\ 100= 6
النتيجة= 6 وهو هدا الرقم الاساس
دحين عندنا مجتمع البحث قلنا كم؟
600 شاطرة .gif "(204)")
يعني :1-2-3-4-5-6-7-8-9-10-11-12-13-14 الخ الين 600
اول شي اختار المجال (1لـ 6) ليش اخترت 6؟؟ لاني طلعته هو الرقم الاساس
يعني لو طلع معايا الرقم الاساس 12 اذن حقول المجال ( 1- 12) اوكي؟
طيب
اخترنا المجال وقلنا ( 1لــ 6)
دحين نختار عشوائيا اي رقم بينهم اما بطريقة القرعه او اني اغمض عيوني واحط القلم واختار
مثلا طلع معايا الرقم 4
اذن من 1لــ 3 حلغيهم ما ابغاهم
وحبدأ في اول عينه لي وهي الرقم 4
دحين كيف اختار الاعداد اللي بعد؟؟
اجيب الرقم الاساس واللي هو 6
اضيفه على اول رقم اخترته اللي هو 4
يعني اول عينه عندي 4
تاني عينه عندي 4+ 6= 10
ثالث عينه عندي 10+ 6= 16 وعلى كدا الين ما اوصل لعدد العينه اللي ابغاه اللي هو 100
وبس
ها وضحت؟؟؟
|