اقتباس:
المشاركة الأصلية كتبت بواسطة بحر العطا
بسم الله الرحمن الرحيم
اولاً اشكر الله ثم اشكركم على مجهودكم النير .. لذاك اود ان اشرح قصتي وهوايتي
ومن ينيرني على الطريق السليم اكون له من الشاكرين
انا متخرج من الثانويه العامه 1424 هــ
وانتسبت في جامعة الملك عبد العزيز بجده عام 1426 هــ بالرسوم واخذت فيها سنتين
تقريباً ودفعت مايقارب 25 الف من الرسوم ورحلات وشقق ايجار ثم فصلت بسبب
نزول معدلي تحت 2 ثم قلت يارب انك تجعلها خيره ثم راودني طموح لان زملائي لان
تخرجو ومنهم من يكمل ماجستير وتحمست لذالك وفكرت ان ادرس في جامعة فيصل
بس هناك افكار تجعلني اتردد ومنها لااوريد ان غلط غلطتي سابقه وقلة معرفتي
بالدراسة الانتساب وانا قريت عن جامعة فيصل بس لم اكتفي هناك اسئله كثيره :
1- هل المواد العامه في جميع تخصصات ؟ ام تختلف من تخصص الى اخر
المواد حسب التخصص تختلف فمثلاً السنة التحضيرية في إدارة أعمال تختلف عن كلية الآداب وعن التربية الخاصة .
الآداب جميع التخصصات فيها نفس السنة التحضيرية والسنة الثانية تبدأ التخصص .
2- كيف طريقة المذاكره بالكتب او الملخصات او بالمحاضرات مثل ماقريت ؟
المذاكرة حسب ما يطلبه منك الدكتور . فإذا قال لك يكفي المحتوى المنزل في البلاك بودر خلاص يكفي .
ومنهم من يطلب الكتاب فقط .
ومنهم من يطلب المحاضرات المسجلة .
ومنهم من يطلب منك جميع ماسبق .
3- تخصص ادارة اعمال لي افكر فيه هل يوجد فيه مواد انجليزي او رياضيات ؟
بالنسبة لإدارة أعمال ليس تخصصي ولكن حسب ما نشوف عند زملائنا رياضيات ومحاسبة وقانون وإقتصاد طبعاً كلها فيها مثلاً رياضيات 1 ومحاسبة 1 وهكذا والإنجليزي أعتقد موجود وأرجع لقسم إدارة أعمال وشوف جدولهم .
4- واجبات ومشاركات قريت عنها بس كيف طريقتها من حلها من نزولها من عدد درجاتها ؟
الواجبات ينزل لك كل ترم لكل مادة واجبين إجباريين تحلها لكل واجب خمس درجات من الدكاترة يضع خمس أسئلة لكل سؤال درجة ومنهم من يضع عشر أسئلة لكل سؤال نصف درجة.
طبعاً هنا الأخوان والأخوات مايقصرون الله يوفقهم أول مايحلون الواجب ينزلون لك الأسئلة والأجوبة وراح تأخذ 5 درجات بالراحة إن شاء الله . ومعك لكل واجب فرصة تقريباً شهر للحل . وأربع محاولات .
5- النت هل هو مطلب اساسي بالجامعه من ناحية المشاركة والمتابعه علماً لان مايوجد
عندي النت في البيت ؟
لا بد من وجود النت معك ضروري جداً . ولكن بإمكانك مثلاً لو فيه مقهى إنترنت تآخذ لك كل يوم ساعة إلى ساعتين تخلص أمورك . ومع مرور الوقت راح تعرف وش لك وش عليك .
6- الدراسه لمن لهم سنوات وخبره هل هي صعبه ام سهله ؟ لاني ماودي اكرر الغلط
أخوي أنا درست عام 1417هـ في جامعة الملك سعود بالرياض وطقيت خمس سنوات بالفاضي .
وأنا الآن أحمد الله أن الجامعة قبلتني . فلذلك أعتبر التجربة الحالية بالنسبة لي سهلة جداً .
7- مكان الاختبارات بنسبه لمدينة الدمام وين يكون ؟
إختباراتك راح تكون بمدينة الدمام .
8- شهادة يكون مكتوب فيه متخرج انتساب ؟ |
يثبت في السجل الأكاديمي ووثيقة التخرج والشهادة ما يفيد بأن دراسة الطالب ( بالانتساب ).
هنا رابط تصاريح مسؤولي الجامعة
وهنا رابط بيفيدك عن الإنتساب .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
أول شي ربي يعوضك ان شاء الله مادفعته وصرفته .
وإن كنت عديت كثير من الساعات بما لا يقل عن جيد فيمديك إن شاء الله إن قبلت في الجامعة ووجدت في خطة المقرر عندك نفس المواد درستها فإبمكانك معادلتها . بمعدل أقصى حد 15 ساعة فقط . مع إحضار السجل الأكاديمي مختوم من الجامعة مع وصف لكل مقرر تريد معادلته .
وضحت لك كل شيء في كلامك اللي أقتبسته فوق .
بوضح لك شي بعد عن الـ 30 درجة
يعني بدل ماتدخل الإختبار من 100 درجة لأ راح تدخل الإختبار من 70 .
طبعاً كيفية حساب الـ 30 كالآتي :
1- 10 درجات للواجبات . كما قلت لك واجبين لكل واجب عشر درجات وإن شاء الله مافيه صعوبه في الحصول على عشر الواجبات
2- 10 درجات للمحاضرات المباشرة ( يعني عندك مثلاً 5 مواد لكل مادة ينزلون من محاضرتين إلى 4 مباشرة يعطونك وقتها وانت تدخل وتحصل على الدرجة طبعاً العمادة قالت أن من لا يستطيع الدخول عليها مباشرة يحضرها لما تنزل مسجلة ويحصل على نفس الدرجة تقديراً لظروف المنتسبين ) وهذي أعتقد مقدور عليها .
3- 10 درجات لمنتديات الحوار داخل البلاك بورد عندك لكل مادة مشاركة وحدة في الأسبوع يعني عندك خمس مواد في خمس مشاركات كل اسبوع وأظن عشر دقايق في الأسبوع تكفي تشارك بها للخمس المواد . ولا تراكمها عليك يجي ضغط عالبلاك بورد وتتحسف خلص شغلك أول بأول . وكذلك المحاضرات المسجلة مرة يقولون عليها درجات تنزيلها هي والمحتوى ومره يقولون المباشرة فقط . بس راح تعرف كل شي .
عندك مشكلة تواجهنا أحياناً وهي الضغط على موقع الجامعة والبلاك بورد أحياناً مع الضغط لا يفتح ولا تقدر تحل الواجب والمشاركة وتنزيل المحتويات .
بس حنا عانينا هالنظام الحين لأنه في البداية واعتقد الترم القادم راح يكون كل شي مبسط .
إذن أنت إذا عملت المطلوب بالنسبة لـ 30 درجة راح يبقى لك من درجات النجاح 30 درجة من سبعين وأعتقد راح تكون بسيطة جداً .
هذا ما أردت أن أفيدك به وبالله التوفيق .