صباح الخير لتاني يوم
مستعدة للشرح؟؟؟
شوفي ياستي
عندنا مناهج او طرق البحث سألتي عن كيفيه الفرق بينهم
عندما 5 انواع
المنهج المسحي
الترابطي العلاقي
السببي المقارن
التجريبي
دراسه الحاله
كيف تفرقي بينهم لو جبلك الدكتور مثال وقلك ايش نوع منهج البحث هنا؟
حبدألك في الترابطي العلاقي , اما الباقي لسه ما اتمكنت منه مره وما ابغى اشرحلك غلط
لازم اول شي افهمه وبعدين اقوله
الترابطي العلاقي.......
تكون فيها علاقه بين متغييرين
وفي الغالب امثلتها تجي مع وجود كلمة - علاقه- او - ارتباط-
مثلا
ماعلاقه تحصيل الطالب مع مستوى ذكائه؟
في هدا المثال علاقه بين متغييرين اللي هما ( التحصيل ومستوى الذكاء)
مثال تاني
هل توجد علاقه بين مستوى التحصيل ومستوى قلق الاختبار لدى الطلاب؟؟
في هدا المثل علاقه بين متغييرين
واللي هما ( مستوى التحصيل ومستوى قلق الاختبار)
يعني بس تشوفي كلمة علاقه او ارتباط وفيه متغيرين تعرفي على طول انه منهج علاقي ارتباطي
وبس
ان شاء الله بس اتمكن من البقيه اجي اشرحلك لو ناسبك شرحي وبتفهمي عليّ