|
رد: •يآبوُوُوُيً ,, يليً ]رــآسَــســسَيً[ لــآذّكــرَتكـَ اــآرفعــهـ .. •
بين السلام وهاجس البعـد والنـوح=حيرتنـي وازريـت لاارفـع يـديـه
ياهاجري عمر المـدى كلـه جـروح=وشلون ترحل في ظروف (ن) عتيـه
مرفوض عذرك دام احاسيسي تفـوح=غلطتـك هـذي واحسبوهـا علـيـه
جيتك صدى مخنوق والريح مشفـوح=باخر رمق شلتك وصـرت الضحيـة
وصلت لك خايف يراودنـي طمـوح=مابيـن شوفـك واللقـا نـار حيـه
اسابق النظرة وتجمـح بـي جمـوح=وصلت واكثر جمـر الاشـواق بيـه
تبادلنـي النظـرة وصديـت مذبـوح=تسلهـم وصابتنـي سهـام المنيـة
اعظم هدايا حضرتـك باقـة جـروح=وانا اعتبـر شوفتـك اكبـر هديـة
تشوفني حي (ن) اجي معـك وآروح=وانـا معـك كـل(ن) يصلـي عليـه
شبهت نظراتك جبـل ثلـج مسفـوح=وشبهـت صدفاتـك رعـود برديـة
ماعاد لي صدر (ن) على البعد مشروح=هـذاك مبطـي يـوم عينـي خليـة
ملكت صك (ن) للتملك علـى الـروح=واصبحت في دنيـاي اكبـر قضيـة
المشكلة مذهبـك فـي جـد ومـزوح=واحـد واشوفـك فـي ثلاثيـن نيـه
دام المشاهد ياهوى البـال مسمـوح=عطني من اوقـات التلاقـي شويـه
تعال لاتحرمنـي الشـوف بجـروح=ترى الجفا المجهـول اكبـر خطيـة
تكفى دخيلك قبـل اوادعـك وتـروح=تقبـل دواويـن المـآسـي هـديـة
من عقبكم وش لي بالاشعار مصلـوح=ولـولاك شعـري مالقـا المقـدريـة
اخاف اضمك وانزع بضمـك الـروح=واخـاف لاعييـت تـشـره علـيـه
|