[poem=font=",4,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لو حاولوا بعض العرب بـي يظنـون=اعـف نفسـي عـن دروب الخطايـا
ولا أرضى على نفسي مذله ولا هـون=واحفـظ لسانـي لا يجيـب الحكايـا
واللي تعرض لي على الدرب ممنـون=ما شيـل غيـر الـود بيـن الحنايـا
ولا اسمع كلام الناس واللي يقولـون=وش همنـى باللـي تقـول البـرايـا
العالـم الـلـي للخطـايـا يـعـدون=لو قلـت لـك كلمـة تسـوى سوايـا
مالـي بهـم ماريدهـم لـي يمـرون=وش لي بهـم ياصـار ماهـم معايـا
ارفع براسي فوق مـا طالـع الـدون=وش لـي بنـاسٍ يبحثـون الخفايـا
ولا أخاوي ألا اللي على الطيب يمشون=خـوة رجـال الطيـب غايـة منايـا
الصحبـة اللـي بالّـوازم يـسـدون=للـي لصحبتهـم سمعنـا الوصـايـا
ولا أخاوي الا اللي على السر مضمون=اللـي يحفظـه مـا يسولـف ورايـا
وأنا أحمد الله صحبتـي لـي يعـزون=وأفرض عليهـم خوتـي مـن وفايـا
[/poem]