أبو بسام قوول آمين عسى الله يسهلها بعينك وبعقلك ياارب ..
الرياضيات مادة سهلة وممتعة بنفس الوقت والحمد لله ترى المقرر اللي علينا هالترم كلها بسيطة وأخذناها ايام الثانوي .
بالنسبة للمذاكرة أنت إذا بتقدر تقرأ المحتوى وتحل منه خير وبركة أو إذا شفت مثلاً إنها كانت صعبة عليك تقدر تفتح المحاضرة وتتابع فيهـا ..
يعني عندك مثلاً الأمثلة حقت كل محاضرة والتمارين إنت لو تتابعهـا في المحاضرة راح تستوعب كل شي هذا إذا ماستوعبتهـا من المحتوى نفسه مع إنه يوجد بعض الأخطاء البسيطة اللي تقدر تتداركهـا من المحاضرة المسجلة طبعـاً..
المـادة بسيطة والتمارين اللي يحلهـا هي إن شاء الله نفسهـا اللي راح تجي في الإختبار أو مشابهة لهـا بحد كبيـر بإذن الله ..
أضف إلى ذلك الآلة الحاسبة ترى راح تفيدك في حـل مسائل كثيـر إن شاء الله يعني ماراح تتوهـق في حل المسائل مع الآلة إن شاء اللـه..
أخيراً المـادة في مجملهـا سهلة والدكتور متعاون إن شاء الله بس أنت حاول تجهز كل شي عندك وأنت تذاكر من ورق فاضي عشان تحل التمارين وبعدين تقارن إجابتك بالإجابات اللي بيحلهـا في المحاضرة اللي بعدهـا ..
وبنفس الوقت الآلة الحاسبة تكون بجنبك وتبدأ في حلهـا وإن شاء الله أموورك تساهيـل بس أنت رووق وترى الرياضيات حلووة كثيـر وراح تفاجئك ببساطتهـا إن شاء اللـه ..
أتمنى أفدتك والله يوفقنـا وياك وشد حيلك عسى الله يسهلهـا علينـا وعليك ياارب ..