.
في الآونة الأخيرة.. تسربت إشاعات خطيرة من فئة إرهابية
مفادها أن مادة الإقتصاد الجزئي هي من الصعوبة بمكان
>> ( مقتبس من بلغرسة 
)
الأمر الذي أقلق كياني وهيج وجداني و أرّق نومي .gif "(269)")
حتى اتى ذلك اليوم الفنتاستكي الذي قررت فيه أن اتحدي نفسي 
وأقتل تلك الاوهام من رأسي
وأدمر ذلك الفايروس الذي ترسب إلى رأسي والذي اسمه ( الإقتصاد صعب )
ايش؟؟ صعب ؟؟ مين قال؟؟ بل إنه من السهولة بمكان 
.
.
الزبدة ياقوم إن الصراحة كبدي لاعت ومرارتي انفقعت من كثر ما أشوف وأسمع
وأرى الكل يقول الاقتصاد صعب المنحنيات مرعبة المسائل مووت 
المشكلة انو لا هو صعب ولا هو مووت ولا هو حتى من الصعوبة بمكان >> علقت 
وشهي المنحنيات؟؟
أساسا كل المنحنيات شارحة نفسها كاتب لك بالخط العريض
اذا زاد هذا نقص هذا واذا ارتفع هذا انخفض هذا واذا زاد راح يمين واذا نقص راح شمال
ترى المنحنيات كلها كلام منعاد كل منحنى نفس اللي قبله بس اللهم زودوا عليه
كلمتين ولا شخطتين طيب؟ وين الصعوبة؟ .gif "(107)")
.
.
المسائل؟؟؟
عاد لهنا و ستووووووووب!!! ما ألوم الدكتور يوم ما شرحها الصراحة >> بتنجلد 
مبززززرة بما تعنيه الكلمة من معنى.. وربي كلها جمع وضرب وقسمة معطيك قانون
وقال لك طبق عليه!! لا وياليت فيه لف ودوراااان تطبيق مبااشر مجرد تبدل الرموز
بالأرقام وانتهينا!! 
.
الإقتصاد مو صعب لكنه يحتاج متابعة واستمرار.. لو مافهمتوا نقطة عيدوا واقروها
مرة ومرتين وعشر لييين ماتفهمونها... ترى التكرار يعلم الشطار...gif "(204)")
.
.
.
أدري إني جاية بالوقت الضايع بس حبيت أوصل لكم أن المادة مو بالصعوبة اللي تعتقدونها
اللي يشوف كلامكم عن المادة يقول طلاسم مو مادة ... أنا كنت مثلكم بالبداية أقول صعبة
لأني مافتحت الكتاب أساسا بس من كلامكم قلت أكيد فيه بلا بالمادة دام الكل يقول عنها كذا
واللي استنتجته أن الصعوبة تتلخص في ثلاث أشياء من وجهة نظر الكثيرين:
1- الرموز:
كثرة الرموز اللي بالإنجليزي تعطي إيحاء بالتعقيد صح؟
طيب هذا جدول جمعت فيه كل الرموز اللي بالكتاب وفسرت معنى كل رمز واللي يدل عليه
إلى هنا حلوين... اوكي؟؟؟
2- نجي للنقطة الثانية المسائل:-
من خلال مكالمات الأعضاء مع الدكتور فهمت أنه بيركز أكثر شي على مسائل الطلب
والعرض والمرونات يعني مسائل المحاضرة السادسة
أوكي هذاني جمعت لكم كل المسائل بهالفصل والحلول مع الشرح
وبقية المعادلات اللي بالمادة جمعتها بجدول >> ياحبك للجداول يختي
.
.
.
.
.
وهذي المعادلات اللي ماعليها مسائل على كلام الدكتور
بس لازم تعرفون وش تدل عليه كل معادلة في الجدول مهم
.
.
.
.
3- نجي للنقطة اللي جننت العالم اللي هي المنحنيات
حاولت إني أسوي شرح مبسط لكل منحنى ووقفت عند فصل التكاليف ماقدرت اكمل
للأسف فقد خارت قواي 
تلاقونها بالملف المرفق تحت, كل اللي فوق موجود بنفس الملف +المنحنيات
طبعا أول محاضرتين مافي منحنيات والمحاضرة الثالثة كلها 3 ولا 4 منحنيات واضح شرحها بملخص أبو موزة
اللي شرحتهم من المحاضرة الرابعة ليين التاسعة
والباقي إذا لقيت وقت بكملها مع اني ماأظن,
وعلى فكرة ترى أغلب المنحنيات الكلام اللي تحتها شارحها ما يحتاج لها شرح
بس حاولت أبين الزبدة من كل منحنى بطريقة أبسط
.
.
أتمنى تكون نظرتكم للمادة تغيرت ولا تخلون شي يستصعب عليكم, إذا حسيتوا
مافهمتوا نقطة حاولوا تخلونها تحدي مع نفسكم إنكم ماتعدونها إلا لما تفهمونها بأي
طريقة لانو لو كل ماعدت عليك نقطة مافهمتها بتتراكم الأشياء الغير مفهومة مما يؤثر
سلبا على الإنتاج الفكري فيتجه منحنى التفكير إلى اليسار ويتناقص ........ مين يكمل
.
.
أدري إني لق لق لق .gif "(284)")
بس يالله وروني شطارتكم
خلونا نفاجئ الدكتور بلغرسة بدرجاتنا الحلوة حتى بدون مايحذف لنا شي من المادة
يلا سمعوني أققققققوى حماااآآآآآآآآس 
واذا شفتوا غلطة ولا شطحة مني مناك علموني وإن شاء الله مايكون فيه 
.
.
موفقين وموفقات جميعاً....... 
[/align]