وشفيك ياقلبي قسيت..صار يرعبْني قسااك
ليه تخذل من يودّك ..من يبادلك الحنين.؟
صرت تِزعل أقرب الخلق وتنادي من جفااك
صعب حالك ياقليبي ..ليه ياقلبي حزين ؟؟
اعترف لي قول لي وشفيك..ياقلبي عسااك
ماتعيد أيام حزنٍ راحت أقفت من سنين
ليه حتى وانت تضحك..منت صادق في عطااك
ليه صرت تجامل اللي ماعرف معنى الونين
ونتّك تذبح وتذبح جابت دروب الهلااك
ماعرفت إلا انسكاب الدمع وآهات تدين
أعترف بإني خذلته والوعد : ( أقطع وراك )
كل دربٍ ياحبيبي ما أفارق هالجبين !!
ليه ياقلبي خذلته ..هوّ ماقصّر معاك
مابغى غير السعاده.. ينهي بك همٍ دفين
منت كفوٍ للمحبه..ياقليبي وش بلااك؟!
عيب تجرح من هدى لك قلبه وحطّك ضنين
احترم فيه الشهامه..كيف يصبر عن خطاك
كل يومٍ تزعله ..تقلب حياته قلبتين
مره تزعل تقلب الدنيا عليه الله يهداك
ومرةٍ تذبحه بسهامٍ غزيره وطعنتين
تجرحه بأقسى الكلام وتصدمه بألعن شقااك
ماتحس ومااتهاب وتجرحه جرحٍ مهين
مانطق يومٍ : حساافه ليت ماذقته هواك
مانطق يومٍ : كرهتك .. واعترف إنهّ سجين
بعتذر له كيف علّمني ..تكلّم ..وييش جاك؟؟
ياقليبي عوّضه عن كل مافاته سنين
علّمه وشلون حبّه ساكنٍ بأقصى حشاك
علمّه كيف الليالي تذكره في كل حين