|
رد: أمتحان التلاوة والتجويد ( يعطيك العافية دكتور )
السلام عليكم ورحمة الله وبركاته
مدري و الله أحس فيه إجابات حلوه
و فيه بعض منها [ جبت العيد ] ...
الله يسهل و يوفقني و إياكم يارب العالمين
أبتكلم عن جامعة الملك فيصل [ الأحساء ] - آداب
ما أدري كان فيه غش صراحه عندنا [ ما أحط شئ بذمتي ]
لكن أبي أفهم وش سبب تأخير توزيع الأوراق تبع الإجابة علينا :(
هذه لحالها يبغالها نص ساعه و أكثر علشان التعبئه ، و بعد ما توصل الأسئلة
ما يقبلون نفتحها إلا لما يكتمل توزيعها على الطالبات O.o
ماهي أصلا كل وحده نموذجها غير عن الثانيه ..!
و إذا جاء آخر الوقت بدأن بخلق جو التوتر
و إن كان بالمخ إجابة أو معلومه فهي بلا شك بتطير
باقي ساعه على نهاية زمن الإختبار ...
باقي ثلث ساعه و يقضي وقت الإختبار ><
باقي ربع ساعه و نسحب الورق ..!
طيب ما فيه مُراعاة للموضوع هذا معقول ؟!
كم مره جاو وطابقوا الأوراق و المعلومات و و و [ كل هذا من وقت الطالبه ]
و شوي يجون يآخذون البصمه :( ، وشوي توقيع الحضور ... " حوسه "
ما قصرن و الله يجزاهن خير و الله يقويهن بس برضوا أنا طالبه
و جايه أبي أرتاح و أنا أحل الأسئله مو أتوتر و عيني رايحه جاية على الساعه :(
سبق و طرحت فكرتي هذه في المحاضرة المباشرة الثانية لـ تقنية المعلومات
مع د . محمد العنزي ووعدني الدكتور أن يوصل كلامي للإدارة و عساه وصل ..!
و الكلام هذا سبق و صار لي في المستوى الأول و بالتحديد في اختبار الانجليزي
و كان دكتور الماده [ ابراهيم المحبوب ] و ربِ ستر و آخر خمسة أسئله جاوبت على البركة
لأنها كانت واقفه على رأسي و تسحب الورقه ...و تكرر المشهد اليوم و من نفس المراقبة ..!
بس بدون سحب الورقه صراحه " الظلم شين " بس هذا واقع لازم يشوفون له حل
توبه أدخل في قاعه هي تراقب فيها حتى لا أنفجر في وجهها غضباً :(
هذا و صلى الله وبارك ،،،
إيمان عبداللطيف
|