ملتقى طلاب وطالبات جامعة الملك فيصل,جامعة الدمام - عرض مشاركة واحدة - ぃש ناخد ونـعطي للمرة التانيهـ, مـξ ...... علمـ, النفسـ, التربويـ, ぃש

طيب الصيت · 2011- 1- 8

اقتباس:

المشاركة الأصلية كتبت بواسطة نجوو♥ووانـ,

التعليم الاقتراني الشرطي\ الكلاسيكي:

هدا النموذج يعتمد على المثير والاستجابه فقط زي اي نموذج من نماذج النظريات السلوكية

فجا عالم اسمه بافلوف وهو عالم احياء اصلا يبغى يعمل اقتران تعليمي شرطي
فايش سوى؟؟

جاب كلب جائع

وطعام

وجرس

فالكلب جيعان وشاف الطعام>>>> والطعام هنا مثير طبيعي
فلمن شاف الطعام سال اللعاب>>>>>> واللعاب هنا استجابه طبيعيه بما انه كان المثير طبيعي

فبدأ بافلوف يقيس كمية اللعاب ويسجلها

دحين يبغى بافلوف يعلم الكلب يصدر نفس كمية اللعاب بس مو لمن يشوف الطعام لاااا يبغاه يصدر نفس الكمية لمن يشوف الجرس

وهنا الجرس بديل عن الطعام فحيكون مثير شرطي......وبما انه المثير اتحول لشرطي فحتكون الاستجابه شرطية

فايش سوى؟

كان يجيب للكلب الجرس وبعده على طول الطعام
وكان بيكرر العمليه .. جرس\طعام\جرس\طعام\جرس\طعام عشان يبغى يقرن بين المثير الطبيعي( الطعام) والمثير الشرطي(الجرس ) عشان تصير نفس الاستجابه

قعد بافلوف يكرر لمدة مابين الجرس\الطعام\الجرس\الطعام
فالكلب ربط بين الجرس والطعام

بعدها اخفى الطعام
صار بس يجيب للكلب الجرس
ولمن الكلب يشوف الجرس صار يصدر نفس كمية اللعاب ( لانه قرن بين الجرس والطعام) وصارت استجابته شرطية

فيجيب الجرس ويخفيه والكلب بيصدر اللعاب
وعلى كدا
الين بالتدريج عرف الكلب انه الجرس ماوراه طعام فقلت وخفت استجابته فبدأت تنطفي وهدا اول مبدأ من مبادئ هدا النموذج اللي هو الانطفاء

بعده جاء عالم اللي هو واطسون وربير
يبغى يعمل نفس الفكرة بس على الانسان
يبغى يعمل اقتران شرطي بين مثير واستجابه

قام جاب طفل

وارنب....... الارنب هنا مثير طبيعي

والاستجابه حتكون فرحة وسعادة الطفل بالارنب وطبعا حتكون طبيعيه بما انه المثير طبيعي

فايش يبغى يسوي واطسون؟
يبغى الطفل يكره الارنب عن طريق اقتران الارنب بشي مزعج للطفل
فكان يجيب الارنب للطفل ومعاه ضوضواء او صوت عالي( قرن الارنب بالضوضاء)
وكررها واطسون

ومرة على مرة ربط الطفل انه الارنب مصدر ازعاج له
فبدأ يكره الارنب
فصار الازعاج هنا مثير شرطي
والاستجابه كره الطفل للارنب .... طبعا استجابه شرطية

وهنا الطفل مو بس كره الارنب لا عمم على اي شي يشبه الارنب
فربط الطفل الازعاج بالارنب واللي يشبهه

فسموها العلماء التعميم وهدا المبدأ التاني لهدا النموذج

بعدين واطسون حب يغير الموضوع ويبغى الطفل يرجع يحب الارنب
فقرن الارنب بصوت موسيقى هادي
ومع التكرار
الطفل قرن بين الارنب والموسيقى الهادية فبدأ يحب الارنب

هنا المثير الشرطي الموسيقى الهادية
والاستجابه الشرطية الحب للارنب

هادي هي التجربة التي اتعلمت
وتبقى متطلبات التعليم عن طريق الاقتران الشرطي:
1- اقتران بين مثير ط ومثير ش ( الطعام\ الجرس)
2- التزامن بين المثير الشرطي والطبيعي في الاقتران ( جرس\طعام\جرس\طعام)
3- التكرار حتى يتم التعلم
4- تقليل المشتتات ( يعني ماتكون في مصادر تانيه وقت عمل التجربه عشان الطفل او الكلب مايتشتتوا)

تبقى التطبيقات التربوية موجودة في المحتوى كنقاط

اتمنى اكون قدرت اشرحها بطريقه تناسبك

مدرسه ولستي مدررسه