|
فاصل ونواصل استراحه بسيطه بعد اختبار الانقلش
(سميت قلبي عقب فرقاه ملعووون)
ياللـي دفنتـوا جثتـه.. ليـه تبكـون؟
لـولا الحيا..لأقـول : معكـم خـذونـي
منه انحرمت وكنت انـا عنـه مسجـون
ما أذكر لمحته .. غيـر مـره بعيونـي
شفته ..وكانـت فرحتـي مالهـا لـون
عجزت لأوصف .. من لمحتـه شجونـي
ياليتني ..كنـت الكفـن يـوم تمشـون
أبقـى معـه بالقبـر ثــم تدفنـونـي
أو ليتني .. من خلفكم كنـت (مجنـون)
أتبـع خطاكـم والعـذر هـو : جنونـي
أبكي وراكم .. وأدعي ان كـان تدعـون
ما يكفي انـه عـاش عمـره بدونـي؟؟
تكفون < هاكـم عمـري اليـوم تكفـون
برخـص حياتـي دام خابـت ظنـونـي
ما فادني صبـري !! ولا فادنـي عـون
ولا فادني دمع(ن) .. حرق لـي جفونـي
يا مـا بكيتـه والبكـي يحـرق عيـون
ميت أو انه حـي .. دمعـي بعيونـي!!
العـام كـان بفرحتـه.. يعـزف لحـون
واليوم ؛ تحت الأرض .. ماهـو بكونـي
لكن أنـا فـي فرحتـه.. كنـت مدفـون
فوق الثرى .. واليـوم موتـه سجونـي
(سميـت قلبـي عقـب فرقـاه ملعـون)
هو و الليالـي .. عـن هنـاه امنعونـي
ياليتنـي.. ماعشـت لحظـه بهالكـون
و ياليت ربعي .. في سكـات اذبحونـي
وياليتكم .. عـن همّـي اليـوم تـدرون
منه انحرمت > ومن عزاه .. احرمونـي
حتى بوفاته !! يوم أنا طحـت مطعـون
أخفيت طعناتـي .. قبـل لا يفضحونـي
بكيـت!! لكـن .. ماتظاهـرت بالهـون
أبكي وأقـول : المـوت سبـة طعونـي
و إن كان في حبّي أنا ..ماتحسّـون ..؟!
دلوني لقبره ..و هناك .. اتركووووني ..!!
للامانه منقول
عجبني وحبيت انكم تشوفوه
مع تمنياتي بالتوفيق للجميع
|