|
رد: ぃש ناخد ونـعطي للمرة الـ3, مـξ ...... مهاراتـ, البحثـ, ぃש
الفرق بين المتغير الكمي
والمتغير النوعي الطبيعي( الاصلي)
والمتغير النوعي ( الشبه نوعي\ الغير طبيعي)
المتغير النوعي الاصلي الطبيعي
هدا مستحيل يتقاس بالكمية
وماتقدري ترجعيه لاصله( عشان يتغير ويصير غير طبيعي)
هدا النوع يكون على حسب الفئات
يعني ماتقدري تتعاملي معاهم ككميه او مقدار او اقل واكثر
زي مثلا الجنسيه
سعودي- يمني- امريكي
استحاله تقولي هدا سعودي اكتر من انه يمني
وهدا امريكي اقل من انه يكون سعودي
بس تقدري تقولي
فئة السعودين - فئة اليميين- فئة الامريكين
يعني النوعي الطبيعي هو اللي تقدري تحطيه في فئه وماتتعاملي معاه ابدا كاقل واكبر
امثله على النوعي:
الديانه: مسلم\ بؤذي\ ملحد
الجنس: ذكر\انثى
نجي للمتغير الكمي
المتغير الكمي: دايما يكون مقدار او حجم وفيه كميه بتتغير
مثلا زي درجة الحرارة
اليوم 25
بكرة 27
بعده 30 وعلى كدا
يعني مقدار وقاعد يتغير صعودا ونزولا
مانقدر نحطه في فئه
ونقول فئه حرارة 27
وفئه حرارة 30
لاااااااااا
بس نقدر نقول الدرجة 27 اقل من 30 في هدا اليوم
او
الدرجة 30 اكبر من 27 امس
وعلى كدا
نجي لاخر شي اللي هو المتغير النوعي الغير طبيعي (شبه النوعي)
هدا عشان تعرفيه لازم ترجعيه لاصله, اذا رجعتيه لاصله وكان كمي
اذن هو متغير نوعي غير طبيعي( عشنه كمي في الاصل)
مثلا عندك الذكاء
لو قلك ايش نوع متغير الذكاء؟
حتقولي على طول كمي
لانه فيه احجام ومقدار
هدا ذكائه 180
وهدا 120
وعلى كدا
بس لو قلك
عبقري- ذكي جدا - ذكي - متخلف , ايش تعتبر من المتغيرات؟
هي كدا تعتبر متغير نوعي لانها مقسمة لفئات
بس نبغى نعرف هل هي نوعي طبيعي او لا
هنا عاد نرجعها لاصلها
اللي هو انواع الذكاء ( وانواع الذكاء اصلا كمي)
اذن هنا اتحولت من الكمي الى النوعي
اذن هي متغير نوعي غير طبيعي
(( حطي في بالك دائما اذا قدرنا نحول الكمي لنوعي - يعني رجعنا النوعي لاصله على طول يكون غير طبيعي))
وبس
|