ملتقى طلاب وطالبات جامعة الملك فيصل,جامعة الدمام - عرض مشاركة واحدة - ぃש ناخد ونـعطي للمرة الـ3, مـξ ...... مهاراتـ, البحثـ, ぃש

نجۅۅ♥ۅۅاڼـ, · 2011- 1- 10

شرح انواع العينات

بالنسبه للعينات:

اول خطوة عشان تفرقوا مابينها انكم تعرفوا انها مقسمة لقسمين
عشوائيه وغير عشوائيه

حنبدأ في العشوائيه

تتقسم لــ 4 اقسام

* الطريقةالبسيطة تنقسم لقسمين:
\ القرعه
\ الارقام العشوائيه

كيف تفرقوا بينهم؟؟

القرعه واضحة تجيبوا اوراق , وتكتبوا عليها اسماء مجموعه من الناس وتحطوها في علبه وتخلطوهم
وتختاروا عشوائيا عينتكم

لو تبغوا 50 عينه
تاخدوا ورقه وترجعوا تخلطوا وتاخدوا التانيه وعلى كدا الين ماتوصلوا ل50

كيف ممكن يجيبها الدكتور؟؟؟

ممكن الدكتور يجبلكم سؤال وهو:

الطريقة التي تستخدم فيها الاوراق لوضع اسماء العينه عليها وخلطها ومن ثم اختيارها عشوائيا؟
- الطبيقيه
-البسيطة( الارقام العشوائيه)
- البسيطة - القرعه
- العنقودية

نجي دحين للقسم التاني من البسيطة واللي هو طريقه الارقام العشوائيه:

هادي الصورة لتقريب الفكرة

اتخيلوا انه هدا كتيب

فيه ارقام مرتبته بشكل عشوائي
فكيف يختار الباحث عينته؟

( طبعا قبل مايسوي هدا الشي تكون في ورقة تانية مكتوبة فيها اسماء الاشخاص وكل شخص جنبه رقمه)
يجيب قلم ويفتح الكتيب ومن غير مايشوف يحط القلم على اي رقم
وبعدها يشوف هدا الرقم تبع اي شخص ويختاره
وعلى كدا... الين مايوصل للعدد اللي يبغاه

ممكن يسألكم الدكتور سؤال هنا:
الطريقة العشوائيه التي يستخدم فيها الباحث جداولا لاختيار عينته:
- الطبيقيه
العنقودية
البسيطة - الارقام العشوائيه-
- البسيطة( القرعه)

وبكدا خلصنا من اول طريقه

نشوف الطريقة التانية اللي هي المنتظمة:

تتميز هادي الطريقه باننا نختار رقم ويكون هو الاساس وبعدين نزيد الارقام اللي بعده بعدده وتتسمى القفزات المنتظمة
نجي للشرح:

مثلا اعطاني مجتمع بحث وعدده 600 والباحث يبغى من ال600 بس 100
فعلى اي اساس حيختار الباحث عينته؟؟؟

اول شي يطلع الرقم الاساس اللي قلتلكم عليه اول بأننا نقسم مجتمع البحث على عدد العنيه

يعني 600\ 100= 6

النتيجة= 6 وهو هدا الرقم الاساس

دحين عندنا مجتمع البحث قلنا كم؟

600

يعني :1-2-3-4-5-6-7-8-9-10-11-12-13-14 الخ الين 600

اول شي اختار المجال (1لـ 6) ليش اخترت 6؟؟ لاني طلعته هو الرقم الاساس

يعني لو طلع معايا الرقم الاساس 12 اذن حقول المجال ( 1- 12) اوكي؟

طيب
اخترنا المجال وقلنا ( 1لــ 6)

دحين نختار عشوائيا اي رقم بينهم اما بطريقة القرعه او اني اغمض عيوني واحط القلم واختار

مثلا طلع معايا الرقم 4

اذن من 1لــ 3 حلغيهم ما ابغاهم

وحبدأ في اول عينه لي وهي الرقم 4

دحين كيف اختار الاعداد اللي بعد؟؟

اجيب الرقم الاساس واللي هو 6

اضيفه على اول رقم اخترته اللي هو 4

يعني اول عينه عندي 4
تاني عينه عندي 4+ 6= 10
ثالث عينه عندي 10+ 6= 16 وعلى كدا الين ما اوصل لعدد العينه اللي ابغاه اللي هو 100

\\\\\\\\\\\\\\\\\

نجي دحين نشوف الطريقة الثالثه واللي هي الطبقيه:

ميزتها انها من افضل الطرق لتمثيل عينه المجتمع
ونستخدمها لمن يكون المجتمع مختلف في بعض المتغيرات
زي مثلا

مجتمع مرحلة الثانوي مجتمع كبير... مختلف في ايش؟ يعني في اولى ثانوي وثانية ثانوي وثالث ثانوي... حلو؟؟

كدا اختلف في المستوى الدراسي

او ممكن يختلف مجتمع الثانوي من حيث الطبقيه يعني ذكووور واناااث

او ممكن يختلف مجتمع الثانوي من حيث التخصص: علمي\ ادبي

(( يعني اذا المجتمع اللي ابغى اعمل عليه بحث اختلف وفيه متغيرات زي اللي قلتها فأنسب طريقه استخدمها هي الطبقيه))

مثلا اذا قلي:
اراد باحث اختيار عينه مكونه من 200 طالب وطالبه ( شوفي هنا في اختلاف ذكر وانثى) وكان عدد كلية التربية اجمالا 800
الطلبه 300 والاناث 500

عندنا قاعدة على طول امشي عليها اللي هي:
حجم العينه ( اللي الباحث حددها) \ حجم المجتمع * حجم الطبقه

نجي نحلها
حجم العينه: 200
حجم المجتمع: 800
حجم الطبقة بالنسبه للذكور: 300
حجم الطبقه بالنسبه للاناث: 500

اول شي نجيب عينه الذكور ونقول:
200\ 800* 300= 75 >>>>>> هدا حجم الطبقه

بالنسبه للاناث:
200\800* 500= 125>>>>>> هدا حجم الطبقه

\\\\\\\\\\\\\\\\\\\\

اخر نوع في الطرق العشوائيه هي الطريقه العنقودية:

هادي الطريقه عكس الطبقيه
ومانختار فيها افراد لا
نختار مجموعه

يعني مثلا
الباحث يبغى يدرس كل طلاب المرحلة الثانويه في المدينة
ماحيجيب كل اسماااااء الطلاب ويختار ........لا

حيجيب كل مدارس الثانويه بالمدينة ويختار بينهم المدارس
يعني تكون المدرسة بكبرها هي العينه مو الافراد
وبعدها ممكن يختار افراد من هادي المدارس
بس الاساس اختار المدارس بكبرها

كداخلصنا من العشوائيه

نجي لغير العشوائيه

مقسمة ل3 اقسام

القصديه>>>>>>> يختار الباحث فيها افراد من المجتمع ذو مواصفات خاصه لاتتوفر في جنيع افراد المجتمع
الحصصيه>>>>>> تشبه الطريقة الطبقيه ولكنها غير عشوائيه
العرضيه\الصدفه>>>>>>>>> يختار فيها الباحث مع مايتيسر له من افراد المجتمع يعني ( شختك بختك)

2011- 1- 10	#134
نجۅۅ♥ۅۅاڼـ, مشرفة سابقة التربية الخاصة الملف الشخصي: رقم العضوية : 46978 تاريخ التسجيل: Sat Feb 2010 المشاركات: 7,763 الـجنــس : أنـثـى عدد الـنقـاط : 7545 مؤشر المستوى: 149 بيانات الطالب: الكلية: қїńġ ҒĂĬšĂĻ الدراسة: انتساب التخصص: ĥẽåŕĨЙĠ ÍMÞăĭгmỄńŤ المستوى: المستوى الخامس	رد: ぃש ناخد ونـعطي للمرة الـ3, مـξ ...... مهاراتـ, البحثـ, ぃש شرح انواع العينات بالنسبه للعينات: اول خطوة عشان تفرقوا مابينها انكم تعرفوا انها مقسمة لقسمين عشوائيه وغير عشوائيه حنبدأ في العشوائيه تتقسم لــ 4 اقسام * الطريقةالبسيطة تنقسم لقسمين: \ القرعه \ الارقام العشوائيه كيف تفرقوا بينهم؟؟ القرعه واضحة تجيبوا اوراق , وتكتبوا عليها اسماء مجموعه من الناس وتحطوها في علبه وتخلطوهم وتختاروا عشوائيا عينتكم لو تبغوا 50 عينه تاخدوا ورقه وترجعوا تخلطوا وتاخدوا التانيه وعلى كدا الين ماتوصلوا ل50 كيف ممكن يجيبها الدكتور؟؟؟ ممكن الدكتور يجبلكم سؤال وهو: الطريقة التي تستخدم فيها الاوراق لوضع اسماء العينه عليها وخلطها ومن ثم اختيارها عشوائيا؟ - الطبيقيه -البسيطة( الارقام العشوائيه) - البسيطة - القرعه - العنقودية نجي دحين للقسم التاني من البسيطة واللي هو طريقه الارقام العشوائيه: هادي الصورة لتقريب الفكرة اتخيلوا انه هدا كتيب فيه ارقام مرتبته بشكل عشوائي فكيف يختار الباحث عينته؟ ( طبعا قبل مايسوي هدا الشي تكون في ورقة تانية مكتوبة فيها اسماء الاشخاص وكل شخص جنبه رقمه) يجيب قلم ويفتح الكتيب ومن غير مايشوف يحط القلم على اي رقم وبعدها يشوف هدا الرقم تبع اي شخص ويختاره وعلى كدا... الين مايوصل للعدد اللي يبغاه ممكن يسألكم الدكتور سؤال هنا: الطريقة العشوائيه التي يستخدم فيها الباحث جداولا لاختيار عينته: - الطبيقيه العنقودية البسيطة - الارقام العشوائيه- - البسيطة( القرعه) وبكدا خلصنا من اول طريقه نشوف الطريقة التانية اللي هي المنتظمة: تتميز هادي الطريقه باننا نختار رقم ويكون هو الاساس وبعدين نزيد الارقام اللي بعده بعدده وتتسمى القفزات المنتظمة نجي للشرح: مثلا اعطاني مجتمع بحث وعدده 600 والباحث يبغى من ال600 بس 100 فعلى اي اساس حيختار الباحث عينته؟؟؟ اول شي يطلع الرقم الاساس اللي قلتلكم عليه اول بأننا نقسم مجتمع البحث على عدد العنيه يعني 600\ 100= 6 النتيجة= 6 وهو هدا الرقم الاساس دحين عندنا مجتمع البحث قلنا كم؟ 600 يعني :1-2-3-4-5-6-7-8-9-10-11-12-13-14 الخ الين 600 اول شي اختار المجال (1لـ 6) ليش اخترت 6؟؟ لاني طلعته هو الرقم الاساس يعني لو طلع معايا الرقم الاساس 12 اذن حقول المجال ( 1- 12) اوكي؟ طيب اخترنا المجال وقلنا ( 1لــ 6) دحين نختار عشوائيا اي رقم بينهم اما بطريقة القرعه او اني اغمض عيوني واحط القلم واختار مثلا طلع معايا الرقم 4 اذن من 1لــ 3 حلغيهم ما ابغاهم وحبدأ في اول عينه لي وهي الرقم 4 دحين كيف اختار الاعداد اللي بعد؟؟ اجيب الرقم الاساس واللي هو 6 اضيفه على اول رقم اخترته اللي هو 4 يعني اول عينه عندي 4 تاني عينه عندي 4+ 6= 10 ثالث عينه عندي 10+ 6= 16 وعلى كدا الين ما اوصل لعدد العينه اللي ابغاه اللي هو 100 \\\\\\\\\\\\\\\\\ نجي دحين نشوف الطريقة الثالثه واللي هي الطبقيه: ميزتها انها من افضل الطرق لتمثيل عينه المجتمع ونستخدمها لمن يكون المجتمع مختلف في بعض المتغيرات زي مثلا مجتمع مرحلة الثانوي مجتمع كبير... مختلف في ايش؟ يعني في اولى ثانوي وثانية ثانوي وثالث ثانوي... حلو؟؟ كدا اختلف في المستوى الدراسي او ممكن يختلف مجتمع الثانوي من حيث الطبقيه يعني ذكووور واناااث او ممكن يختلف مجتمع الثانوي من حيث التخصص: علمي\ ادبي (( يعني اذا المجتمع اللي ابغى اعمل عليه بحث اختلف وفيه متغيرات زي اللي قلتها فأنسب طريقه استخدمها هي الطبقيه)) مثلا اذا قلي: اراد باحث اختيار عينه مكونه من 200 طالب وطالبه ( شوفي هنا في اختلاف ذكر وانثى) وكان عدد كلية التربية اجمالا 800 الطلبه 300 والاناث 500 عندنا قاعدة على طول امشي عليها اللي هي: حجم العينه ( اللي الباحث حددها) \ حجم المجتمع * حجم الطبقه نجي نحلها حجم العينه: 200 حجم المجتمع: 800 حجم الطبقة بالنسبه للذكور: 300 حجم الطبقه بالنسبه للاناث: 500 اول شي نجيب عينه الذكور ونقول: 200\ 800* 300= 75 >>>>>> هدا حجم الطبقه بالنسبه للاناث: 200\800* 500= 125>>>>>> هدا حجم الطبقه \\\\\\\\\\\\\\\\\\\\ اخر نوع في الطرق العشوائيه هي الطريقه العنقودية: هادي الطريقه عكس الطبقيه ومانختار فيها افراد لا نختار مجموعه يعني مثلا الباحث يبغى يدرس كل طلاب المرحلة الثانويه في المدينة ماحيجيب كل اسماااااء الطلاب ويختار ........لا حيجيب كل مدارس الثانويه بالمدينة ويختار بينهم المدارس يعني تكون المدرسة بكبرها هي العينه مو الافراد وبعدها ممكن يختار افراد من هادي المدارس بس الاساس اختار المدارس بكبرها كداخلصنا من العشوائيه نجي لغير العشوائيه مقسمة ل3 اقسام القصديه>>>>>>> يختار الباحث فيها افراد من المجتمع ذو مواصفات خاصه لاتتوفر في جنيع افراد المجتمع الحصصيه>>>>>> تشبه الطريقة الطبقيه ولكنها غير عشوائيه العرضيه\الصدفه>>>>>>>>> يختار فيها الباحث مع مايتيسر له من افراد المجتمع يعني ( شختك بختك)