السلام عليكم..
صباحكم فل وعسل للجميع اهم شي لا احد يتحطم يكفي امس المنتخب حطمنا تبون بعد تزيدونا تحطيم >>>>>> ارفعو المعنويااااااااااات والهمه الهمه
بالنسبه للأختبار تبون الصراحه بدون اي مقدمات لو كل واحد تابع المحاضرات الـ14 وتابع طريقت الدكتور بالاسئله اللي في نهاية كل محاضراه بالاضافه الى المذاكره >>>>> يعني حفظ المقرر وفهم القواعد مو مرور الكرام بس قراءه على الطاير
كان ماحد قام يندب حظه ويقول لو وليت ولعلى>>>>>> مصاروه
وبخصوص الاسئله كلها من المنهج يعني انا ما ادري ليه الاخوان يتذمرون >>>> ياخي اذا منتو قد الشهاده وتعبها ترا فيه جامعات ثانيه ماتشوف وجه الطالب الابالاختبار ولاشرح ولاهم يحزنون يعني ريح بالك وادفع واحضر الاختبار بس اذا اخذت الشهاده علقها فوق المكتبه !!!!!
بالنسبه لي انا واعوذ بالله من كلمت انا انشالله مابين 55 الى 65 من 70 لأني استعجلت بالحل وماركزت ......
وفالنهايه هذي شهاده جامعيه ماتجي بالساهل الا بالسهر والمثابره والمذاكره >>>>>> والا غلطان
اتمنى من الجميع مخافة الله اولاً واخر ولايجوز لأحد ان يغتاب مسلم غافل
قال تعالى :
{يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }الحجرات12
اتقوا الله يا اخوان وياخوات والله ماكتبت هالكلمات الا من باب التذكير وحرصاً عليكم من مغبة ماتقولون ..
تقبلو مروري والله يكتب لكم التوفيق في باقي الاختبارات وعقبال النجاح ان شاءالله.