|
رد: تعـــــــــــــــــــالوا نحـــــــــــــــــــل أسئــــــــــله الأقتصـــــــــــــــاد هنـــــــــــــــــا ..؟؟؟ أرجـــــــــوا مشــــــــــاركه من الجم
اقتباس:
المشاركة الأصلية كتبت بواسطة um lenda
يووووه مافهمت كيف تزيد وتنقص وتكون ثابته بنفس الوقت  |
مثلاً !
الحين المكتبة اللي تبيع ملخص مادة الاقتصاد ..
لنفرض انها كل أسبوع تنتج 10 ملخّصات ( يعني تصوّر ) وما تنتج أكثر من هالكمية ..
وبنفس الوقت .. الكمية المطلوبة ( يعني الطلبة اللي يطلبون الملخصات أسبوعيّاً ) 10 فقط ..
وتبيعه مثلاً بسعر 15 ريال ..
يعني الكمية المعروضة = الكمية المطلوبة ..
وبكذا يكون سوق الملخصات في حالة توازن ..
لكن جات فترة الاختبارات !! وطلّاب كثير توهم يذكرون يجيبون الملخّصات !
فـ زاد الطلب على الملخصات مثلاً 20 ملخص في الأسبوع ! والمكتبة ما عندها غير 10 !.. يعني سوق الملخصات صار عنده حالة عجز
وبما إن الطلب زاد على الملخصات .. فـ السعر راح يزيد !
لأن المكتبة عارفة ان الطلبة محتاجين وما عندهم مكتبة ثانية يروحون لها ، راح يستغلون حاجة الطلاب :( !! ويزيدون الكمية المعروضة ، وأيضاً يزيدون السعر ..
مثلاً يخلّون سعر الملخص 25 ريال !!
وبكذا زادت كمية التوازن من 10 ملخصات إلى 20 ملخص ..
والسعر زاد من 15 إلى 25 .. لأن الطلب زاد عليه !
^
طبعاً هذي حالة زيادة الطلب .. يزيد سعر التوازن ، وتزيد كمية التوازن ..
والعكس صحيح ..
لو انخفض الطلب .. ينقص سعر التوازن وتنقص الكمية ..
:
/
أما العرض ..
مثلاً لو فتحت مكتبة جنب المكتبة الأولى وتبيع نفس الملخصات ..
والمكتبة الأولى العرض عنها 10 ملخصات والمكتبة الثانية نفس الشي ..
والكمية المطلوبة هي 10 ..
والسعر واحد ..
فـ المكاتب راح يصير عندها فائض في الملخصات ! ما تدري وش تسوّي فيه :( !!
فـ تضطر تخفض السعر ..
وكلما انخفض السعر زادت الكمية المطلوبة !
فـ الطلبة راح يستغلون انخفاض السعر وراح يزيد طلبهم .. مثلاً واحد شرى ملخص بـ 7 ريال دق على خويّه قال له انا شريت ملخصاتي بسبعة في المكتبة الفلانية !!
ومن كذا تزيد الكمية المطلوبة .. من 10 إلى 20 ..
وبكذا زادت كميّة التوازن ..
^
هذي الحالة الثانية ..
كلما زاد العرض ... انخفض السعر ... وزادت كمية التوازن ..
:
/
والمغزى .. إن كمية التوازن تزيد ..
سواءاً زاد العرض ..
أو زاد الطلب ..
لكن السعر على حسب ..
ينقص إذا زاد العرض ..
ويزيد إذا زاد الطلب ..
:
/
وهذا معنى الحالة الثالثة ..
زاد العرض ... وفي نفس الوقت زاد الطلب ..
طيب عرفنا ان كمية التوازن راح تزيد في كل الحالات ..
لكن السعر .. هل راح يزيد ؟ أم ينقص ؟
طبعاً .. على حسب ..
إذا كانت الزيادة في كمية العرض أكبر من الزيادة في الطلب .. راح ينقص السعر ...
وإذا كانت الزيادة في الطلب أكبر من زيادة العرض ... راح يزيد السعر ..
^
^
يا رب يكون واضح =$
بالتوفيق ..
=)
|