سؤال يسدح نفسه ""
ليه ماعاد في ثقه بالناس ؟؟ ليه محنا زي ايام اول " الواحد لا حب يتعرف يخاف " لا حب يحب يخاف
صرنا عايشين بلغه الخوف نخاف ( ننصدم " نتفاجأ )
ايام اول << ع ايام الإبتدائي & المتوسط وببدايه الثانوي "
صراحه كنت وحده انطواااائيه جدآ ما اعرف الا صديقاتي بنات جيرانا اهلي وبوجهي امي ( هي صديقتي وكل شي )
يعني ببدايه الثانوي احس ان الأم لازم تكون صديقه بنتها مره بـ هالفتره بالذات عشان لا تسوي حوسات من وراها "
انا امي وررررررررر راحت بـ هالفتره تقريبآ
كنت معتمده ع امي بكل شي وفجأه تروح حسيت شي كبير علي "
اخوان * بيت * دراسه * ابوي واشياء ياكثرهاا "
بس اشوى كنت دايما اقول ( عسا ان تكرهو شي وهو خيرآ لكم )
كنت اقول كل شي ربي يسويه لنا فيه خير " قلت ( طلعه امي من البيت فيها خير ) بس مدري وش هو "
كنت ما اعرف اطبخ صرت ( طبااخه رائعه ) ماشاء الله "
كنت انطوائيه صرت ( اجتماعيه بشكل كبير )
اعتمدت ع نفسي بكي شي طلعات روحات جيات مواعيد مستشفى لبس نظافه كل شي صرت اسويه بنفسي
اشياء ماكنت اعرفهاا مع انها تاافهه " وعرفتهاا الحين " << ماراح تعلمكم وش هي ""
صرت لإخواني اخت وام وكل شي " صار لمامي 7 سنوات تقريبآآ
اختي " بـ هالفتره صرت لها اختها وامها ان تعبت اكون عندها بمجالس الأمهات اروح لنا وانا كاشخه عشان خاطرهاا "
واسأل عنها مع انها تفشل سود الله وجه العدوو ملسوووووونه يمه منهاا
مدرساتها درسوني يقولون لها ( اختك قطوه كانت قمه في الإمتياز وكم مره طلعت مثاليه )
ردت عليهم "
( اختي قمه ؟؟ وانا وشو قااع ؟؟ )
اهم شي هاللسان الطويل هههههههههههههههههاي مسويه حفله بمدرستها هالدوبه "
بس ببرائه طبعآآ ارقبها بدون ما تحس ابي ازرع فيها الثقه مابيها تعتمد علي كثير ماراح ادوم لها "
اموت امرض اي شي فـ اعودها ساعات ع اشياء تنفعهاا قدام "
ساعات اقول ورى ماااتلاقين ( الشخص ) الي تحبينه ويحبك وهيك
عقب اقول لا اصلا كلهم نصابين وكذابين وساعات اشوف البنات الي حولي " اقول ليه انا ما اسوي زيهم طبعآآ
اتعرف وهيك ""
يعني معقوله هم فاقدين حنان ولقوه عندهم ؟؟
انا فااقدته بشكل كبير لكن مافكرت ادوره برى """
فيني حنان يكفي دهر ومن كثره فاائض "
بس احسني فاقده اشياء مدري وش هي "
حلو انك تلاقي شخص يسأل عنك دايماا يكون معك ع طول بالحلوه والمره بالرخاء والشده "
لكن مدري "" تراودني هالفكره كثيييييييييير "" بس اترااجع بقوه لورى "
اقول لالا بلا تهور يابنت وش تتعرفين استحي ع خشتك وينا فيه احناااا "