منقول من منتدى النقاش للعضو طالب جامعي منتسب
الأخوة والأخوات الطلبة الجدد والقدامى
تنويه بسيط بس واللي يعافيكم عشان مانضيع في الطوشة وماتاخذكم أفكار اليأس وتتلخبطون .
ياجماعة الخير لاحد يعيد تنزيل المحاضرات من جديد ولاهم يحزنون .
يعني مو تشوف درجاتك أصفار أو ناقصة تروح تعيد لي تنزيل المحاضرات !!
هذا أمر مكرر غير مبرّر !
الموضوع بكل بساطة ان عددنا كبير الصلاة على النبي ، والخدمات الطلابية قاعدة تاخذ معلوماتها من البلاك بورد بالتدريج لكل طالب وطالبة .
إذا انت منزل أو مشاهد محاضراتك كلها خلاص ، ليه بعد تروح تنزلها من جديد ؟!
إلا إذا فيه شي ناقصك مانزلته أو مافتحته على البلاك بورد من المحاضرات المسجلة أو المباشرة روح لحق نفسك .
والتحديث اللي كل 40 دقيقة معناتها ان النظام يحدث نفسه بنفسه ، يعني كل 40 دقيقة بتشوف درجات المحاضرات المباشرة والمسجلة تزيد لحد ما توصل للدرجة النهائية بإذن الله تعالى (درجاتك بتكون كاملة إذا انت منزل أو مشاهد كل محاضراتك المسجلة والمباشرة)
وإذا الأيقونة الخاصة بالإستعلام عن درجات المشاركة ماتفتح معناتها إن عليها صيانة أو جالسة تتحدث .
والمجال مفتوح عندكم لحد آخر يوم من الإمتحانات ، اللي ناقصته محاضرات ما نزلها يروح ينزلها أو يفتحها على البلاك بورد .
والمباشرة لكل المواد الآن بعلمي انها نزلت ، إذا مانزلت تابع نزولها ، وإذا مانزلوها نهائيا فمايحاسب عليها الطالب لأن مو مسؤوليته .
بس هذا كل السالفة .
بالتوفيق للجميع ...