تسلمين يامورقة هذا من ذوقك
انتي شكلك شفتي الخطة القديمة حقت 2008 و2009 هي اللي فيها 8 مواد في أول سنتين
شوفي الخطة حقت 2010 أكيد فيها اختلاف عنا وأول ختلاف وجود الترم التحضيري والخطة موجودة في قسم الفيزياء في لوحة الإعلانات تلاقينها كلها جداول وإن شاء الله إذا فيه وحدة تعرفها تحطها هنا
وزي ماقلتي إذا الرغبة موجودة كل شي بيمشي
الدكاترة بشكل عام زينين ومتعاونين بس مايمنع من وجود العكس سواء في الفيزياء أو غيره
بس في قسمنا الحمد لله قليلين
بالعكس إذا درس دكتور هو يحط الأسئلة بنفسه هذا في التخصص وإذا فيه دكتورين يدرسون نفس المادة
ممكن يشتركون في الأسئلة أو كل دكتور يحط أسئلة يعني على كيفهم أما في التحضيري حسب كلام
البنات في المنتدى بتكون موحدةوإذا كانت كذا مايحتاج تخافين لأن المنهج أكيد راح يكون نفسه بس تخلتف
طريقة إعطاء المنهج حسب أسلوب الدكتور/ة وحاولي تشوفين مناهج الشعب الثانية حتى لو بشكل سريع
عشان ترتاحين وأهم شي تكونين فاهمة عشان إذا جا أي سؤال بطريقة غير اللي أخذتوها تقدرين تحلينها
الله يوفقكم وييسر أموركم وتدخلون التخصص اللي تبونه