أولاً تحية طيبه للمشرفين والإخوة الأعضاء

أتمنى يكون المنتدى شفاف ويقبل الرأي والرأي الآخر
ولايحجب صوتي بداعي إني أشوه صورة الجامعة
نحن في منتدى نقاش
وطرحي للموضوع هو بداعي النقاش
وتوضيح الصورة
وإذا مخطأ
مستعد إني أعتذر !!!

نجي للموضوع

حبايبي/
أحسبوها زين ...
جامعة الملك عبدالعزيز
الإختبار على الورقة من 100 درجة بصيغة 100 سؤال
ودرجة النجاح 60 من 100
يعني .. نقول درجة النجاح تساوي 10 درجات فوق نصف الدرجة كاملة
يعني مطلوب منا 10 درجات فوق مجموع نصف الدرجة كامله الي هو 50


نجي لجامعتنا الموقره
طبعاً حنا فرحانين بـ 30 درجة من المشاركة في المنتديات
وتحميل المحاضرات وحل الواجبات
ولنفرض إنا أخذنا الـ 30 درجه كامله

يبقى لنا نجيب على الورقه 30 درجه من 70
يعني لو نحسبها بالنسبة المئوية
تقريباً
نصف الـ 70 يصير 35 درجه
يعني مطلوب منا 5 درجات فوق مجموع نصف الدرجة كامله عشان نجيب درجة النجاح


نقارن بين الإثنين
نجد القارق بينهم 5 درجات بس
ياليت تحسبونها زين

الشغلة حسابيه مافيه فرق إلا خمس درجات
لكن فيه شيء يفرق ويهم الكثير خصوصاً ( المنتسبين )



جامعة الملك عبدالعزيز
لاتحميل محاضرات مسجله ومباشرة بعد
ولا واجبات ولا مشاركة في المنتديات ولا أرتباط


يعني أنا مستعد أتنازل عن 5 مدرجات
مقابل إني أرتاج ترم كامل وبالأخير أجي أختبر
وفوق هذا أختبر إختبارات سهله

تدرون ليه سهله
لإن جامعة الملك عبدالعزيز
زي مايسميها البعض المقهى

تراعي ضروف المنتسبين
يعني مايعطون الإنتساب أكبر من حجمه

والإسئله أسهل منها مافيه

الإنتساب بالأول والأخير
ينفع في علاوات وترقيات
لكن في وضائف خلونا عقلانيين ومانكون عاطفيين
ولانضحك على عقول الناس ونخليهم يخسرون وقت وجهد ومال

وظائف بدون واسطة إحلموا فيها
يعني حنا ندرس نبي شهادة تساعدنا في الوظيفه
والي عنده واسطه ويبي وضيفه ماهي فارقه معه
إنتساب من جامعة الملك فيصل أو عبدالعزيز

أهم شيء .. شهادة جامعية ( إنتساب )


حبايبي
جامعة الملك فيصل

ربط وتقريباً أربع محاضرات مباشرة في الإسبوع
لازم أحضرها ولا أحملها مسجله
و14 محاضرة في الترم لكل مادة
تصل بعض المحاضرات منها إلى 2 ساعتين
نحسبها على مستوى إول إنجليزي مثلاً
عندنا 8 مواد
كل مادة 14 محاضرة ولو نقول كل محاضرة بساعة
يعني 14*8=112 ساعة
122 ساعة من خير المشاركة والربط
عشان إنها تفرق 5 درجات بس !!!!!
والله الي يشوفنا يقول يدرسون
زيهم زي الإنتظام
لكن بالأخير كل هالتعب يروح بالهواء
شهادات الإنتساب وحده في المملكة
ولا فيه فرق بين جامعة وجامعة !


ياليت تحسبوها زين
وناقشوني وأقنعوني

إخواني اأنا أقول الحل هو

الـ 30 درجه حقة المشاركة والربط
والتعب لازمت يحذفوها
والله مامنها فايدة غير الـ 5 درجات
والـ 5 درجات ماتسوى كل هالتعب
وأصلاً الـ 30 درجه خلت الدكاتره
يشدون علينا في الإسئله ..

صراحة إذا أستمر الوضع على ماهو عليه
راح إندم كثير إني تركت جامعة الملك عبدالعزيز
وسجلت في جامعة الملك فيصل
لكن هذا مايمنع إني أرجع أني أكمل في الملك عبدالعزيز

يادكتور حنا نبي شهادة جامعية ( إنتساب ) وبس !