رد: الجندان النجار منتو قد المسؤلية (( بيباي ))
يا اخت BeeB
بصراحه انا مستغرب من موقفك ..
يعني ما اعرف احد سواء يدرس بالحامعه او ما يدرس .. او حتى على الاقل سمعت احد يمدح في الجامعه او يدافع عنها الا ويكون اما :
1- دكتور وماسك منصب محترم ..
2- ابن دكتور
3- منافق واعتذر عن هالتعبير لكن هذا رايي
4- جاهل وما يعرف عن الجامعه الا اسمها
اكيد مستغربة من كلامي ..
انا بقولك ليه ..
انتي تتوقعين ليه تم تصنيفها 3998 .. عبط ولا استهبال ولا ايش يعني
هل تعتقدين ان جامعة الملك فيصل بالمستوى الادنى المطلوب من الحكومة ؟؟
هل تعتقدين ان الجامعه عليها نقص فلوس !!
هل من المنطقي ان كل الناس زعلانه من الجامعه بس كذا مزآآج
بعدين شلون تقولين ان الـ 10 ريال تروح للعاملات .. ههههههه من متى الطلاب مسؤولين يدفعون للعاملات
واحب اصحح لك المعلومة الـ 10 هذي تروح لصندوق الطالب والصندوق هذا وظيفته اذا انتي فلستي تروحين وتطلبين قرض صغير ويقولون لك والله حاليا مافيه .. هههههههه
وبعدين الاكل الوصخ وفيه حشرات انا بعيني شفته .. مرة بالغلط كنت جوعان ههههههه رحت ابي اكل بالمطعم لقيت فيه حشرات .. بالاكل .. حسبي عليهم ..
يمكن انا انتبهت بس المساكين الي ياكلون وما يدرون
مابي اكثر كلاااااااام يعني بصراحه كلن شايف وعارف ..
لكن لما قلتي على اي اساس تطالب المدير او غيره بالاستقاله .. احب اعلق على هالنقطة
شوفي عزيزتي لما يصير مدير على غنم على راحته .. لما يكون عميد شياطين بكيفه ..
لكن دامه مدير على ناس من حقهم يطلبون منه هالشي .. اذا هو مقصر معاهم او مخطئ في حقهم
واحب اقولك احنا ما نطالب بهالشي لانه بيصير .. لكن عشان نبين راينا و مطالبنا ..
وانتي بعد لو انك دخلي اي مكان مكتب بقاله مطعم وما عجبتك الخدمه بتقولين هذا المفروض ما يحطونه هنا يحطونه في مكان ثاني
لكن الي مرتاح وماشية اموره اكيد ما تفرق معه ولا يحس بالمشاكل الي تواجه الاخرين ..
وشكرا
|