مساء الخير
انا طالع لي بس درجات المشاركة والواجبات درجات المحاضرات المباشرة باقي ما نزلت
* لو فية اقل اعتبار لنا كان يحطون عبارة ( عزيزي الطالب/ الطالبة يوجد عطل في النظام الرجاء المعاودة مره اخرى )
مو يخرب سيرفرهم البايخ ويخوفونا بالاصفار
مو كافي انهم فعلوا لنا النظام والناس بدوا الدراسة من شهر وكل مادة نزل لها خمس محاضرات
مو كافي انه محاضراتهم تجيب الغثاء والنوم ويجيب لك مثال عن مباراة ريال مدريد وبرشلونا <<< الدكتور مسوي فيها يعنني بخش جو مع الطلاب
على فكرة عشان تنصدمون اكثر خشوا على المحاضرة المسجلة وتابعوها على الموقع راح يطلع لكم تاريخ تسجيل المحاضرة وراح تنصدمون ( احدى المحاضرات مسجلة في 13 مارس 2010)حقت السنة الماضية
ولا ختباراتهم الي تنكسر يدك وانت باقي تعبي بيانات ( اقر بان جميع المعلومات ..... حسيت اني السالفة قص رقبة وفيها كفاله وفلم اكشن واتخيل اني بصير خريج سجون بدل خريج جامعه )
وكله كوم وانك تقابل المراقب قبل تطلع ويقولك
( وين قلم الرصاص....؟ ) حسيت اني مختلس اموال الجامعه
حرام عليكم جبتوا لنا النفسية
يشهد الله اني عفت الجامعه بس كله يهون لاجل ابوي الي فرح اني خشيت الجامعه ومابي اكسر فرحته ( الله يخليه لي ويخلي لكم كل غالي )