المشاركة الأصلية كتبت بواسطة الحيرااان

اخوي (( اخر طموحي انت )) : السلام عليكم ..كيف الحال

[mark=#666666]
وعليك السلام اخوي .. بخير زان حالك شخبارك انت ..؟
[/mark]
انا طالب مستجد السمستر الجاي اول ترم لي بالكليه وحاب اسالك بعض الاسئله بعد اذنك؟؟

[mark=#666666]
هلا بك خيووو نورت الكلية هع .. وتفضل أسأل
[/mark]
1- انا لغتي الانجليزيه جدا ضعيفه اقدر ادخل الكليه بهذا المستوى؟؟لاني خايف جدا.

[mark=#666666]
اممم اذا مستواك ضعيف بالمرررة .. شوف لك دورة قريبة سجل فيها والا شوف مدرسين يساعدونك لأن الانجليزي مهم أكيد
[/mark]
2- السكن استلمته اقدر اجي قبل الدراسه بيوم او يومين ؟

[mark=#666666]
ايه عادي ويمكن ما تقفل الكلية لأن الاجازة قصيرة .. هذا احتمال ضعيف
[/mark]
3- كم المعدل المطلوب عشان اتخصص هندسه كهربائيه او ميكانيكيه او كيميائيه؟

[mark=#666666]
شوف أخوي انت حاول تجيب أعلى معدل تقدر توصله وحاول ماتنزل عن c لأن بالسمستر الثاني بيقولون لك تحط رغباتك بالتخصص بالترتيب وان كان معدلك عالي بتآخذ الرغبة الأولى طبعآ وكل ما كان معدلك عالي كل ما زادت فرصك بقبولك بالتخصص اللي تبيه
[/mark]
4- استلمت الكتب 12 كتاب انجليزي وكتاب قرامر بس؟باقي كتب ثانيه ومن وين اخذها؟

[mark=#666666]
أظن باقي لك قاموس للانجليزي تحصله بمطبعة الكلية بجنب مسرح الكلية
[/mark]

5- الجدول كيف اخذه ؟

[mark=#666666]
الجدول قبل بداية الترم الجاي شيًك ع موقع الكلية بتحصله نازل
وطريقة دخولك للنظام كالتالي:-

افتح موقع الكلية بتحصل بآخر الصفحة تحت ثلاث مربعات اختر اللي في الوسط

بتفتح لك صفحة جديدة مكتوب رقم الطالب .. اللي هو رقمك الاكاديمي تحصله ببطاقة الكلية
وموجود ايضا الرقم السري .. اللي هو رقم بطاقة الاحوال حقتك

لما تدخل بتلاقي مكتوب الجدول الدراسي ... وبس
[/mark]


6- حذاء السلامه (الله يكرمكم) لازم اول سنه ومن وين اجيبه؟

[mark=#666666]
لا اسنة التحضيرية غير مطلوب حذاء السلامة عزكم الله لكن يجب الحضور باي شي يكون مغطى زي جزمه أو حذاء رياضة عزكم الله بس اهم شي لاتجي بنعول الله يعزكم
[/mark]
7- ايش المواد اللي ادرسها اول سنه ؟ وكلها داخله بالمعدل؟

[mark=#666666]
السمستر الأول بالسنة التحضيرية تدرس ست مواد داخلة بالمعدل .. قواعد انجليزية .. وكتابة ومفردات واستماع ومادة اسمها call سهلة ان شاء الله .. وكمبيوتر ..... وباقي مادتين مو داخلات بالمعدل رياضة ومهارات التعلم لكن محسوب عليك الغياب فيهن ولو تخلص غياباتك فيهن بتعيدهن ترا
[/mark]
8- طبعا الكليه ثلاث سنوات ونص..اقدر اخلصها في مده اقل؟

[mark=#666666]
لا ما تقدر لكن تقدر تقلل ساعاتك بالترم الأخير يعني تكون مخفف ع حالك وماخذ مواد بالترم الصيفي
[/mark]
9- في ترم صيفي بالكليه ؟؟

[mark=#666666]
ايه فيه لحد الآن .. لكن مستقبلآ ما أدري
[/mark]
الحمد لله خلصت اسئلتي والمعذره اذا طولت عليكم بس تعرفون طالب مستجد وما اعرف شي ..بالتوفيق للجميع