المشاركة الأصلية كتبت بواسطة سلمان اللحيدان

والله اشوف ردودكم متطرفه صاحب المشاركة يقول الدكتور مستهدفنا لانه سعودي وحتى المراقبين سعوديين وطبعا اكيد الطلاب سعوديين مو حنا بالسعوديه حسيت من كلامه اننا نيجيريين شالفكره اللي عندك وحتى بعض الردود تأيدك ماقولكم حنا شعب يؤمن بنظرية المؤامره والخرافات المعشعشه بروسنا بدأ من (حمارة القايله)اعزكم الله لين ان حنا مستهدفين ومن الكل ليش عندنا نقد الذات بتطرف وحب الذات بتطرف وتشجيع الكوره بتطرف لانضحك على بعض جميع القواعد اللي بالمحتوى درسناه وشبعنا منه من المتوسطه بس بعض الاخوان ماذاكر ومافتح المحتوى ويقول صعبه اتحدى اي واحد يجيب سؤال بالاختبار جانا برا المحتوى خلوكم عقلانيين ومنصفين شوي وبعدين ليش الدعاوي والحسبنه على اخوكم الدكتور لا تنسون انه اخ لكم ومسلم والمسلم من سلم الناس من لسانه نصيحة للكل ذاكر واجتهد بالدراسه راح تلقى نجاح اجتهد بحياتك العمليه راح تلقى نجاح اجتهد ببر والديك راح تقى نجاح اجتهد بتربية اولادك وراح تلقى نجاح صدقني العملية مرتبطة فيك انت اللي تقدر تطوع وتذلل الصعاب اخيرا والله حنا المستفيدين من صعوبة الاسئله وبالتالي ترسيخ المعلومات لتستفيد بحياتك وما انسى ان اللي يعتبر دخوله للجامعة من اجل (ياناس شوفوا ترا معي بكالريوس) ترا اكلام هذا مو موجه له ودمتم سالمين