انا اشوف ان الفرق يكمن في ان البنت عاطفيه اكثر وحريصه اكثر
وبالتالي فهي تخلص اكثر في المذاكره وتحرص اكثر وتدعي ربها وتتوكل عليه بصدق بنسبه اكبر من الرجل
غير كذا هي عندها دوافع اكثر للطموح ويمكن اثبات الذات واحد من الدوافع
اما الرجل يخالط الناس اكثر ومثبت نفسه اكثر في مجتمعنا ..
وما انكر ان البنات نسبة فضاوتهم اكثر من الرجال ع الاقل حتى لو تعبت هي في البيت ما تتعب زي الرجل
وهذا احد اسباب زيادة نسبة تفوق البنات ..
من ناحيه ثانيه انا يا كثر ما اسمع كلمة يللا اهم شي انجح من البنات
والا كلمة ما حليت زين والا جبت العيد ..
يعني ماهي غريبه عندنا هالكلمات بالعكس متعودين نسمعها ..
وفيه شي بعد البنت حالمه اكثر من الرجل ويمكن في ردة فعل بعض الطالبات تجي متفاءله بزياده في حلها ..
في النهايه اقول ان مافيه فرق في الذكاء يمكن فرق الذكاء هذا يكون في مرحلة الطفوله
لكن الحين احنا في مرحله نتساوى فيها في مستويات الذكاء
واللي يجتهد ويخلص ويحرص ويتوكل على ربه هو اللي بيتوفق ويتفوق سواء بنت او رجل ..